Mataio 21:21 - Iaai Bible 1901 (New Caledonia)

²¹ Haba Iesu ame thu me ha ködrin, ka habe, E hnathu inya oge me ha köbun, öbun e ne hu labageju, me ca lolo bi hnyok, öbun e ca he ka hake ânyâ thibi hna ânyâ ka imeta, ke öbun e ne he ka ha ka bucen ang, ka habe, Bethe ok ut me ta but eû hnyi köiö, me ame he ka hwâdâ.

Mataio 21:21 ပူးပေါင်းရင်းမြစ်များ

Mataio 14:29

Haingen ame ha, ka habe, Aiö u, Haba Peteru ame utut ûheny hon hu, me he hon köiö, he ka he kö Iesu.

Mataio 17:20

Me e ame ha ködrin, ka habe, Anyin ae ûhnyûkong anyibun labageju: anyin e hnathu inya oge me ha köbun, ka habe, a ne hu gabun labageju helâ me wan sinapi, me öbun e he ka ha ka bucen ang, ka habe, Kec dö kâe; me ame he ka kec; ke ba ke ûnyi ame he ka pason köbun.

Mataio 21:20

Ke a wâ but laten, me ödrin e lâiâ me ha, ka habe, E logot meleca thö imeta!

Mataio 8:12

ke haba lakon dökhu, me adre me he ka obʼ ödra ka hnyi menekholom hnyou ai: kʼ adre me he ka tenge sesebila eling me ûgiö ga nyudra.

I. Korinito 13:2

Ke oge ne at perofeta; ke khanö nya ta je ûnyi ae iyong, me je metâ hia; ke a ne hu gak labageju hia, me me khanö nya he ka oc ta je bucen, ke ba gak ibetengiö, awe, iny ca ûnyi hnathu bi.

Iakobo 1:6

Ke so e ame sumat hnyi labageju, ke ba loloâ: anyin a haba at ame lolo, me ûcû me waköiöiny köiö ame oû ang dö me hûnyûnye but.