Mataio 21:19 - Iaai Bible 1901 (New Caledonia)

¹⁹ Me e ame wâ imeta hnyi baten gethen, me e ame he kâu, ke ba wan e ame wâ, ke je lan thibi; haingen kâu ka habe, U me ca he hmetu ka wa nyiele balua. Me ame ie meleca thö imeta.

Mataio 21:19 ပူးပေါင်းရင်းမြစ်များ

Isaia 5:2

ke e ame seû igigilo, me hlo je vetoiny, me tā vine soreka hnyin e, me otilö uma hnân belök wanben e, me si taben hlic vine hnyin minya: me e ame lubahingen he ka wa wan vine, ke ame wa bi wan vineiny hnyot.

Jeremia 8:13

Oge me he ka ti ohiʼ ödra, haingö Iehova: ame he ka ba wan hnyi je ivine, ke ame he ka ba wan meta, ke ame he ka meleca je lan; ke ame he ka hia gadra ta je ûnyi o ge hia but ham kodra.

Mataio 21:20

Ke a wâ but laten, me ödrin e lâiâ me ha, ka habe, E logot meleca thö imeta!

Mareko 11:14

Me e ame ha ka imeta, ka habe, E so ame ca he ke at ka an wan gam nyiele balua. Ke ame long e hnen laten.

Mareko 11:20

Hnyi hnyomakatu ödrin e he hnyi baten imeta me ödrin e wâ a ga mokcu e hwân hnyi hwecin.

Luka 3:9

Ke walang ang adre hia but ip giwa hnyi hwecin ta je ûö; ke haba ta je ûö ame ca wa so bi, me adre me he ka sö degecâ me khûâ ka hnyi meic.

Ioane 15:2

E ame hom but ta je vheiny gak ame ca wa: ke haba ta je vheiny ae wa, e ame ânyâwia, me me wa gan dut.

Ioane 15:6

A ne ca laba ke at eû hnyi hnyik, adre me he ka degec ut helâ me vheiny, me ame he ka meleca thö; ke adre me ûkhacaköuâ thö, me khûâ ka hnyi meic, me adre me thong degecâ but.

II. Timoteo 3:5

tavat a helâke me ûcû hwakecidra ka Khong, kʼ ödra ivinoâ bi maniny: ûsâkâûö u but me tavat a helâe.

Tito 1:16

Adre me labö ha, ka habe, e khanʼ ödra but Khong; ke adre me ivi-nöâ e bi ge anyidra ta je huliwa, ke ödra tavat ikiki, me ca ûling, ke ba ke huliwa a khaca ae so a ödra ûcû ka hnyin.

Juda 1:12

Haba ödra ta je okongon hnyi anyibun bijeûiny ibetengiö, ödra ka tha hnyi bijeû mʼ öbun, ödra tavat tuö mamoe adre ha ödra bi, me ca ot; ödra je ûlâ ae ba köien, ame oû ang dö; ödra je ûö ae ba wan hnyi ûen he ka wa, a olo mok, adre oc dö me iwân;

Hna Omanenâ 22:11

Haba at ae ca wisa, me ame he bala bi ka ca wisa: ke haba at ae ikiki, me ame he bala bi ka ikiki: ke haba at ae wisa, me ame he bala bi ka ânyâ wisa: ke haba at ae kap, me adre me he bala bi ka okabâ.