Mataio 20:21 - Iaai Bible 1901 (New Caledonia)

²¹ Me e ame ha ka momo, ka habe, Ieû wem? Haba momo ame ha kâu, ka habe, Ö u ha thö me me he li lakuk ang ka laba ke at hnyi ke keihâm a metâm, ke ke at hnyi ke keihâm a mem hnyi dokhom dökhu.

Mataio 20:21 ပူးပေါင်းရင်းမြစ်များ

I. Je Than 2:19

Haba Bathe-seba ame he kö Solomona than he ka ûhnenamö më ga Adonia. Ke than ame tot he ka ûkhanö më, ke e ame nom kâu, me laba hon anyin theron, me kunâ he ka ip ke theron hobi kâu hinyen than; ke momo ame laba hnyi ke keihen a metân.

I. Je Than 3:5

Ke Iehova ame manen kö Solomona hnyi Gibeona hnyi bwi hnyi hnyinghet: ke ame ha Khong, ka habe, Sumâtâ thö ûnyi oge me he ka ham köu.

Esetera 5:3

Haba than ame ha kâu, ka habe, Ieû wem Esetera lö, momo than? ke ieû hnâm hna sumat? adre me he ka ham köu hia ke ne o but hafiny dokhu.

Salamo 110:1

HAINGÖ Iehova ka tuhok, ka habe, Laba ju hnyi ke keihök a metök, Ke ne o but oge me he ka wia ta je iwahnaihmiöny möu me hnân taben li cam.

Salamo 45:9

E hu bi je hlu lakon je than hanen je athnyabaem a je momo unyâm: Ame tot hnyi hnyamâm a metâm momo than ame theibâ goliny Ofira.

Jeremia 45:5

Ke hawa, u me elâm je ûnyi ae gan hobi köu bi? ca elâm bi: anyin a wâ bi, oge me he ka oâ okongon ka tavat hia thithö, haingö Iehova; ke oge me he ka ham köu ânyâm bi mot hnân jekhom hnyi ta je dok hia thithö waleji u me he ka he ka hnyin.

Mataio 18:1

HNYI ûen eling ame o laten kö Iesu me ha, ka habe, Ia ae gan hnyi dokhon drany î

Mataio 19:28

Haba Iesu ame ha ködrin, ka habe, E hnathu inya oge me ha köbun, ka habe, haba hnyi hna he ka omelö hmetu, e ka he Nokon at ka laba hon theroniny anyin hmanenang, haba öbun tavat öbun e he hotuk, me öbun e be minya bi ka laba hon je theron a twelv, he ka owisa je tribu anyin at Isaraela a twelv.

Mataio 20:22

Ke haba Iesu ame thu me ha, ka habe, E ca khanʼ öbu bongon hnöbu hna sumâtâ. Hawa, e khanʼ öbu he ka ic hnyi kaia oge me he ka ijem? Haingödru ka habe, E khanʼ ohmu.

Mataio 20:32

Me Iesu ame todru me hawʼ ödru, me ha, ka habe, Ieû webu a oge me he ka ânyâ köbu?

Mareko 10:51

Ke Iesu ame thu kâu me ha, ka habe, Ieû ae wem oge me he ka mâdrâ köu? Haingen wadröu ame ha kâu, ka habe, Raboni, mʼ oge me he bi ka bwela.

Mareko 16:19

A hia but ha ködrin Than, me adre me kap dö e hnyi drany ai me ip e hnyi ke keihen metân Khong.

Mareko 6:22

me ame didro hlu nöku Herodia me biâ, me e ame osenyini Heroda me tavat adre me tha laba mē; me haba than ame ha ka hlu, ka habe, Ha thö könya wem, me oge me he bi nya ka ham köu.

Luka 18:41

Ieû ae wem oge me he ka ânyâ köu? Ke e ame ha, ka habe, Than lö, mʼ inye bwela but.

Luka 19:11

Ke adre me tiga long ta je ûnyi eling, e ame bihanen ta je hofuc me ha ke ûhöûcû, anyin a e ame hakekenyâ Jerusalema, ke can minya adre me ûnykûme ame he ka ie manen dut dokhu dokhon Khong.

Luka 22:24

Ke ame kû minya hna ivinö unyidrin, a ia ame he ka beönua gadrin.

Ioane 15:7

Öbun e ne laba eû hnyi hnyik, ke hok ta je hofuc ame laba minya hnyi je hnyekubun, öbun e he ka sumâtâ ûnyi öbun e weny, me adre me he ka ânyâ hobi köbun.

Ta je huliwa 1:6

Ke ödrin e hnö e hnyi ke bong ödrin e ûkhacaköu hnyin, ka habe, Than lö, ûen dut ang u me he ka odokho hmetu at Isaraela?

Roma 12:10

Ibetengiököu ju öbun ge ibetengiö anyin liamekeiny; bebân he ka ogânâ ke at me ke at;

Roma 8:34

ke ie at ame he ka ohnaûhangoâ? Hamen Keriso, at ame mok me möt hmetu ûheny hnyi hna mok, e but hnyi ke keihen metân Khong, kʼ ame khöû hobi köta.

Kolose 3:1

ANYIN a wale, adre ne hia but tha omeli öbun hmetu me Keriso, elâm dʼ öbun ta je ûnyi ethö, wale dok ame laba hnyin Keriso hnyi ke keihen a metân Khong.