Ame he ka möt hmetu ta je kokâm; ame he kʼ tot hmetu ta je kokik. Hmak dö, me khumöng dʼ öbun tavat öbun e laba hnyi sesâ: anyin a helâ me dân hau hon ûö ae ometu dân ânyâm hau, ke ame he kânâ ka oâ ta je komok.
E hûkötiânen tavat, kʼ adre me hna degecâ e; e at ae vec, ke at ae khana hlöuhlöu: ke adre me hûkotiâ e helâ me at ame he tavat ka ikhâlâ je hnyimakodra gan, kʼ ate me ca oûnyihnathoâ e.
Hwân ûen e, Iesu ame hwân ka omanenâ ka laten a e ame he ka he Jerusalema ai, me vheno ta je vec ae se hia ûnyi ge wahingat, me ta je taben tavat bihut, me hnyat sihnalimen, kʼ adre me he ka hlingâ, kʼ ame he ka möt hmetu hnyi bong a kuniny.
Ke haba keihen adre me hwân he ka hangöjâ e, me lan hnyimakan, me khaû e, me ha kâu, ka habe, Perofeta thö: ke haba ta je athnyaba adre me hom e me khaû.
A HNYOMAKATU but, me ame ie uhnenamö je taben tavat bihut, me wahingat, me hnyat sihnalimen, me tavat ûhnei hia, me adre me cö Iesu, me lelö thö e, me hna but e kö Pilato.
Ke haba Pilato ame weny he ka osenyinâ tavat ae se, me e ame thöng Barabasa but kodra, ke a hia but osoi Iesu, e ame hna but e mʼ adre me he ka osatauroâ.
Ke e ame o but kohmun, ke e ame hom weikö Paulo, me ame ka ca bi kâu li can me li benyin, me ha, ka habe, Haingen Hanu Kap, a gʼ ame he at Juda hnyi Jerusalema ka helâng hna ca at a weiken ang, me he ka hna ka hnyi hnyamen Aten ta je hnyei.