Mataio 20:12 - Iaai Bible 1901 (New Caledonia)

¹² me ha, ka habe, Haba tavat a bilidra adre hia but huliwa khaca thibi âwâ, ke u je mâdrâ ködrin e ûcû möhmun, waleji tavat ohmun e hok hmakiny bong me kahwainy ae gan hmâ.

Mataio 20:12 ပူးပေါင်းရင်းမြစ်များ

Jona 4:8

Ke ame o thö seûno, me Khong ame penapena ang hwei ae kahwa; ke ame dei bö Jona me e ame momonu, ke e ame sumâtâ me me mokcu, haingen, ka habe, E so iny he ka mokcu, hon he ka möt.

Malaki 1:13

Ke haingöbun, ka habe, Wâ bi, ûnyi hnân höciâ! ke öbun e hia but hûkötiâ e, haingö Iehova tuhan sabaoth: ke öbun e hia but hom ûnyi adre me hûgûnâ, ke at ae kong can, ke hna takoû hnen mok; wale hut öbun e hom: hawa e ûcû könya he ka kap e ûnyi gabun? haingö Iehova.

Malaki 3:14

Öbun e hia but ha, ka habe, E ûnyi baû he ka bi athnyaba ka Khong: ke ieû troban hnöta hna tuö hnen je hna otilâ, me tenge tot hnyi hnyimakö Iehova tuhan sabaoth?

Mataio 20:11

Ke adre hia but kap, me adre me ulidro tuhan uma,

Luka 12:55

Ke e ka si thö ang a hwaiöu, me haingöbun, ka habe, Ame he ka gan seûno; ke ka e bi.

Roma 3:27

Anyin a wale, ewa hna ohobeluâ? E ba hnen bi e. Hnen ie hnanyibu? hawa, ge huliwa? Ohe; ke so bi ûnyi ge hnanyibuiny labageju.

Roma 3:30

awe, ame ne khaca thibi Khong, kʼ ame he ka haiwisa hna peritom ûnyi hnyi labageju, ke tavat adre ca peritom bi hnen labageju.

I. Korinito 4:11

Ke ne o but awa ang ohmun e mekihnânem, me beic, me he thu, me hna khaû, ke ba dok ohmun e laba hmâ hnyin;

Efeso 3:6

a gʼ ame he Aten ke je hnyei ka hnyi hu minya, me hnyi hanen unyin, me hnyi kap ta je ûnyi adre ha bânâ ge Keriso ûnyi ge ûthumetu ae so,

Iakobo 1:11

Anyin ame uto seûno me ang ae kahwa hömnyin; me ame ie meleca thö önying, me ame kolu but vongon, ke ame hia but hmanenanginy; ke helâe ame he ka hia at tren omjeû hnyi deny ta je gethen.