Mataio 2:8 - Iaai Bible 1901 (New Caledonia)

⁸ Ke e ame kunʼ ödrin Betheleema ai, me ha, ka habe, He thʼ öbun ka elâm wia bongon inma; ke öbun ka wâ ju, thumetu nya thö, mʼ inye he minya ka munyi khudrung kâu.

Mataio 2:8 ပူးပေါင်းရင်းမြစ်များ

II. Samuela 17:14

Me ame ha Abasoloma me at Isaraela hia, ka habe, E beönua hofuc ho Husai at Areki hon hofuc ho Ahithofela. Anyin a Iehova ame muso he ka ohavâ hofuc ae so ho Ahithofela, me me he Iehova ka oâ ûnyi ae kong kö Abasoloma.

I. Je Than 19:2

Me haba Jezebela ame kunâ ûthumetu kö Elia, me ha, ka habe, Ame be je khong ka ânyâ helâe könya me bi hanen minya, oge ne ca ânyâ ânyâm möt me me tha ûcû me möt anyin ke at gadrin, ame ne bong nyi hnyi awa eang.

Ta je Vejec 21:30

E ba metâ, ke ba wâhmakhmeto, Ke ba ûhnenamö, ame vak kö Iehova.

Je tenge anyi Jeremi 3:37

Ie at ame ha, me ame hwâdâ thö, ke ame ca hûna e Than?

Mataio 2:1

A DRE me hnöku Iesu hnyi Betheleema hnyi hnyei Juda hnyi ta je bong bongu Heroda a than, ke wâ bi, ame o but ta je magoi hnyi Jerusalema ûhedrin jimeyö,

Mataio 2:7

Ke haba Heroda ame hawâ duöngâ ta je magoi, me hnö cicilâ gadrin a manen kehö okhû.

Mataio 2:9

Ödrin e hia but long hwan than, me ödrin e he but; ke wâ bi, haba okhû waleji ödrin e wâ e jimeyö, ame bân hnyi hnyimaködrin, ke ne o but ame laba cicö hon dok a e hnyin inma.