Mataio 2:2 - Iaai Bible 1901 (New Caledonia)

² ke haingödrin, ka habe, Ewa at adre hnokoâ me Tuhan at Juda? anyin a ohmun e wâ but jimeyö anyin okhû, ke ohmun e o but he ka khudrung kâu.

Mataio 2:2 ပူးပေါင်းရင်းမြစ်များ

Salamo 2:6

Ke so bi oge hia but otilâ anyik than Hon Ziona, anyik bucen ae kap.

Salamo 45:11

Be me he than ka weny soâm: Anyin a e thibi Tuhâm; ke nom ju kâu.

Isaia 60:3

Ke ame he ta je hnyei ka he ka hnyi ânyâm metam, me je than ka hnyi iumumelaminy hnâm hna o.

Jeremia 23:5

Wâ bi, ame he ka o je bong, haingö Iehova, ke oge me he ka oâ kö Davita? Khûen ae wisa, ke e ame he ka than me; musi me so, me ânyâ ûnyi ae wisa me ûnyi ae ûcû hnyi hnyei.

Jeremia 30:9

ke adre me he ka bi athnyabai Iehova Khongudrin me Davita a tuhödra wale oge me he ka oâ kodra.

Zakaria 9:9

Senyin gan hmâ thö u hluiny Ziona; kuku thö u hluiny Jerusalema: wâ bi ame he ka he but köu Tuhâm: e at ae wisa, ke tren ûhomeli; at ae ilemuk, ame tabö asina, me nak asina a nokon asina.

Numera 24:17

Oge me wâ e, ke ca walang ang: Oge me wâ e, ke ca hakekeny bi: Ame he ka o okhû ûheny unyi Jekob, Kʼ ame he ka kû haten musi ûheny unyi Isaraela, Kʼ ame he ka kot je ke keihen Moaba Me okongoâ je laku Setha.

Mataio 2:3

A long ut Heroda a than, me e ame hlohlo tha e me Jerusalema hia.

Mataio 21:5

Ha thö ka hluiny Ziona, ka habe, Wâ bi, ame o but köu Tuhâm, At ae menyik, kʼ ame tabâ asina, Ke nak asina, a nokon asina.

Mataio 27:11

Ke Iesu ame tot hnyi hnyimakan gavena: ke haba gavena ame hnö e, ka habe, U tuhan at Juda? Haingö Iesu ame ha kâu, ka habe, U me ha e.

Luka 19:38

haingödra, ka habe, Hnahic hnen At musi ame o but hnyi ien Than: hnahic ethö hnyi drany, ke hmanenang ethö hnyi dok ae görany hmonyin.

Luka 2:11

anyin adre hnokoâ hobi köbun hnyi bong ang hnyi taun anyi Davita, At ûhomeli, wale Keriso a Than.

Luka 23:3

Haba Pilato ame hnö e, ka habe, Hawa, u Tuhan at Juda? E ame thu, ka habe, U me ha e.

Luka 23:38

Ke e hu tusi adre sihnalimen hon ka habe, WALANG TUHAN AT JUDA.

Ioane 1:49

Haba Nathaniela ame thu kâu, ka habe, Kabi, u thibi Nokon Khong; u thibi Than Isaraela.

Ioane 12:13

me adre me bi lan pama me he ka ûkhanö mē, me hongot, ka habe, Hosana: hnahic hnen Than Isaraela, ame o but hnyi ien Than.

Ioane 18:37

Me Pilato ame ha kâu, ka habe, Hawa gam, u than? Iesu ame ha, ka habe, U me ha e, a iny than. Adre hnöku nya hobi kâu e, ke oge o but eang hmeledrany hobi kâu e, me inye he ka ohnathoâ hnathu. Haba ta je aten hnathu hia, adre me long ifucik.

Ioane 19:19

Ke haba Pilato ame set tusi me ip hon satauro. Ke walang hna sihnalimen, ka habe, IESU AT NAZARETA, TUHAN AT JUDA.

Ioane 20:28

Haba Toma ame thu kâu, ka habe, Tuhok me Khonguk.

Ioane 5:23

me me he tavat hia thithö ka ogânâ Nokon helâ me hnödra hna ogânâ Kamen. Haba at ame ca ogânâ Nokon, me ame ca ogânâ Kamen at a kunâ e.

Ioane 9:38

Haingen ame ha, ka habe, Taböny Than, inya oge me labageju. Me e ame khudrung ju kâu.

Heberu 1:6

Ke wale hmetu ang hnyi ûen e ame oâ nokon a bân ka hnyi hmeledrany, me e ame ha, ka habe, E so ame he ka khudrung kâu ta je angela hia anyin Khong.

Hna Omanenâ 22:16

Inya Iesu oge hia but kunâ anyik angela he ka thumetu öbun ge ta je ûnyi e hobi kâu ta je ekalesia. Inya khûen me Nöku Davita, ke okhû lany ae hadröngöc.