Mataio 2:19 - Iaai Bible 1901 (New Caledonia)

¹⁹ Ke a mokcu Heroda, me wâ bi, ame manen dut angela anyin Than kö Josefa hnyi bwi hnyi hnyei Aigupito,

Mataio 2:19 ပူးပေါင်းရင်းမြစ်များ

Salamo 139:7

Oge me he ka he kâ ûhek unyin hanom? Ke oge me he ka kec kâ ge hnyimâkâm?

Salamo 76:10

E hnathu ame he ka oganö u hnen hmönyin anyin tavat: Ke u me he ka thawâ kolon je wathethot.

Isaia 51:12

Inya, inya at ame otubweli öbun: u ia, at ame outen at ame he ka mok, ke nokon at adre me he ka wia me me ûcû me hna önying:

Jeremia 30:10

Anyin a wale Jekob lö, athnyabaik, ca ot, haingö Iehova; ke Isaraela lö, ca hlohlo bi: anyin a wâ bi, oge me he ka omeli u ûnyi hnyi dok ae sâkâû, me je mâtrânâm ûnyi hnyi hnyei waleji adre hwenbʼ ödra hnyin; ke ame he Jekob ka hmetu me menâ, me laba hnahic, ke ba at ame he ka ootâ e.

Ezekiela 11:16

anyin a wale, ha thö, ka habe, Walang hna ha hnen Than Iehova, ka habe, Eja ke ne oge ne hia but ûsâkâû ödra unyin je hnyei, ke eja ke ne oge ne hia but ovesei ödra unyin je hnyei, oge me he bi nya ka dok ae kap kodra hnyi ûen ae ûhnyûkong hnyi je hnyei adre me he ka o ka hnyin.

Daniela 11:45

Ke e ame he ka otilâ je uma manoiny hnyaban hnyi wanben köiö me bucen ae hmanenang ae kap; ke ame he ka o obiny kâu, ke ba at ame he ka hadruâ e.

Daniela 8:25

Ke ûnyi hnyi anyin bihihwakecin ame he ka sot iyawo hnyi hnyamen: ke e ame he ka ogânâ e bi hnyi hnyekon, ke e ame he ka ohia tavat ae se hia adre me laba khotkic: e ame he minya ka tot ka thaniny ta je than; ke so bi, e ame he ka hmetru, ke ca hnen bi hnyam.

Mataio 1:20

Ke e ame tiga ûnykûme ta je ûnyi eling, me wâ bi ame manen dut kâu angela anyin Than hnyi bwi, ame ha,, ka habe, Josefa nöku Davita lö, ca ot he ka hum Maria âiâm; anyin a erkin dut hnen Hanu Kap.

Mataio 2:20

ame ha, ka habe, Todrö hom dö inma me hinyen, me he thö ka hnyi hnyei Isaraela: anyin ödrin e mokcu hnyat ödrin e elâm inma he ka hlingâ.

Mataio 2:22

Ke e ame long a gʼ ame than biju Arekelao hnyi Juda, hwaban kamen a Heroda, me e ame ot he ka he kâe; ke adre me koû kâu hnyi bwi, me e ame he ka hnyi ke keihen Galilaia,

Mataio 27:19

Ke e ame tiga laba hon taben owisa, ke haba âiân ame ûkhûnöng kâu he ka ha, ka habe, Ca he bi u ka ânyâ ke ûnyi ka at e ae wisa: anyin a oge hia but ibiose vec gan hnyi bong ang hnyi bwi.

Ta je huliwa 5:19

Ke ame khong je hwanumen uma ceat hnen angela anyin Than hnyi hnyinghet, me hum ödrin dut hnyou ai, me ha, ka habe,