Mataio 2:16 - Iaai Bible 1901 (New Caledonia)

¹⁶ A wâ but Heroda a je magoi ödrin e iyawâ e, me e ame hmonyin gan hmâ, me ûkhûnöng he ka hlingâ ta je wanakat hia thithö hnyi Betheleema, ke hnyi je hnyigoulen e, hwân ge tavat a lo hunaidra ke ne o but ka ta je mendreng, hoton ûen e ame hia but hnö wia hnyin ta je magoi.

Mataio 2:16 ပူးပေါင်းရင်းမြစ်များ

Genese 39:14

me e ame hawâ tavat aten hnyaban, me ha ködrin, ka habe, Wâ bi, e ame hom kötin at Heberu he ka hlumʼ ötin, e a o könya he ka tha mokut mönya me oge me hongot hwege:

Genese 39:17

Ke momo ame ha kâu ta je ûnyi eling, ka habe, A o könya athnyaba at Heberu u je hom kötin, me me he ka hlumö nya:

Genese 49:7

E so e mok anyidru hmönyin, anyin ae hwege e; Me anyidru wathethot, anyin ae hwege oveciny; Oge me he ka ve ip ödru ûnyi Jekob, Me ovesei ödru but ûnyi Isaraela.

II. Je Than 8:12

Haba Hazaela ame ha, ka habe, Tuhok lö, ieû u me tenge gan? Me e ame thu, ka habe, Anyin ae khanö nya ûnyi ae kong u me he ka ânyâ ka lakon Isaraela: haba anyidrin ta je hnabâ u me he ka thong ge meic, me u me he ka hlingâ ge hele vat ta je hidröu unyidrin, me sa degecâ lakudrin je mendreng, me kave je erkin gadrin.

Jobu 12:4

Oge me ûcû me at ame hluma gan hnen waeny, Waleji at ame hongot ka Khong, me e ame thu; Adre me hluma ge at ae wisa, me so hwakecin.

Ta je Vejec 28:15

Haba at ae kong ame muso tavat ae theduoc, Me liona ame kuku, ke bea ame he monu.

Ta je Vejec 28:17

Haba at ae hmak ut ge dren ke at Me ame he ka kec ka hnyi hmonop; ke so ame ca he ke at ka thawâ e.

Isaia 26:21

Anyin a wâ bi, ame he Iehova ka he ûheny hnyi hnen hna laba, he ka bi hwaban hulo anyin tavat adre me labā hmeledrany: ke ame he hmeledrany ka omanenâ dren e, ke ame ca he hmetu ka tube ta je hna hlingâ.

Isaia 59:7

Ke ame wadring je cadra ka hnyi hulo, kʼ adre me logot hingâlâ dra ae ba hnyikongon: je ûnykûme ae kong je ûnykûmenödra; ke eû hnyi anyidra je hna cit gethen hnaûhango me ûokonguny.

Daniela 3:13

Me ame hmönyi Nebukaneza ke wathethot, me ûkhûnöng he ka hum Saderaka, ke Mesaka, ke Abedenego. Me adre me hom je hnyat eling ka than.

Hosea 10:14

Anyin a wale ame he ka o imonumonuny unyin em hnyei, kʼ adre me he ka ohia hnâm je hnabâ hia, helâ me hnö Salemana hna ohia Beth-arebela hnyi ûen vat: waleji adre me sa je wanakat me lahinyödrin.

Numera 22:29

Me Balaama ame thu ka asina, ka habe, Can hnâm hna hlumö nya: e na hu anyik hele vat, me oge me he bi nya ka hlingö u.

Numera 24:10

Me ame ubâhlâ hmönyin anyi Balaka kö Balaama, me e ame khâukhâu li hnyamen: ke Balaka ame ha kö Balaama, ka habe, Oge hawo u he ka hangâ je iwahnaihmiony mönya, ke wâ bi u je okun hahnahici ödra.

Mataio 2:1

A DRE me hnöku Iesu hnyi Betheleema hnyi hnyei Juda hnyi ta je bong bongu Heroda a than, ke wâ bi, ame o but ta je magoi hnyi Jerusalema ûhedrin jimeyö,

Mataio 2:17

Me ame hwâdâ thö hna ha ga Jeremia perofeta, ka habe,

Mataio 2:7

Ke haba Heroda ame hawâ duöngâ ta je magoi, me hnö cicilâ gadrin a manen kehö okhû.

Hna Omanenâ 12:4

Ke e ame lelo tilâ hnen hmokunen ke keihen a kuniny ta je okhûiny drany, me ame khûâ ka hnyi hmeledrany: ke haba drakona ame tot hnyi hnyimakan momo, waleji ame he but ka hnokoâ, me me he ka an nokon e ka o.

Hna Omanenâ 17:6

Ke oge me wâ momo ame monu a ijem dren wakap, ke dren tavat adre me ohnathu Iesu. Ke oge me wâ me oge me lâiâ gan hmâ.

Owisa 16:10

Ke haingö Delila kö Samasona, ka habe, Wâ bi, u je iyawö nya, me thoi kônya: ö u ha thö könya ûnyi hnân cö u.