Mataio 2:13 - Iaai Bible 1901 (New Caledonia)

¹³ Ödrin e he but, me wâ bi, ame manen dut angela anyin Than kö Josefa hnyi bwi, ame ha, ka habe, Todrö, hom dö inma me hinyen, ke kec dö Aigupito ai, me laba eling, ke ne o but hnyi ûen oge me he ka thumetu u hnyin: anyin ame he Heroda ka elâm inma he ka hlingâ e.

Mataio 2:13 ပူးပေါင်းရင်းမြစ်များ

I. Je Than 11:17

me haba Hadada ame kec, a tha e me keihen at Edoma lakeiny kamen, me he Aigupito ai; ke tiga ûhnyûkong Hadada.

I. Je Than 3:5

Ke Iehova ame manen kö Solomona hnyi Gibeona hnyi bwi hnyi hnyinghet: ke ame ha Khong, ka habe, Sumâtâ thö ûnyi oge me he ka ham köu.

Jobu 33:15

Hnyi bwi, me hna omanenâ hnyi hnyinghet, Hnyi ûen ame mokut hnying tavat, Me leleû hon hna mokut;

Jobu 33:17

Me me he ka lelö at ûnyi ge hnen hna weny, Me ikhâlâ bi gan ge at.

Esodo 1:22

Ke Farao ame hûna ka lakeiny hia, ka habe, Öbun e he ka khûâ ka hnyi wagewe je wainda hia adre hnokoâ, ke omelö ju je waindusem hia.

Mataio 1:20

Ke e ame tiga ûnykûme ta je ûnyi eling, me wâ bi ame manen dut kâu angela anyin Than hnyi bwi, ame ha,, ka habe, Josefa nöku Davita lö, ca ot he ka hum Maria âiâm; anyin a erkin dut hnen Hanu Kap.

Mataio 10:23

Ke ödra ka oveci öbun hnyi ke taun, kec dö ka hnyi ke taun: anyin ae hnathu inya oge me ha köbun, ka habe, Öbun e ca he ka vheno hia ta je taun hnyi Isaraela, ke ne o but ame o thö Nokon at.

Mataio 2:12

A hia but Khong koû ködrin hnyi bwi mʼ ödrin e ca he ka hmetu kö Heroda, me ödrin e he but ka hnyi idrin hnyei hnyi ke gethen bi.

Mataio 2:14

Me e ame todrö hnyi hnyinghet me hom inma me hinyen, me he Aigupito ai;

Mataio 2:16

A wâ but Heroda a je magoi ödrin e iyawâ e, me e ame hmonyin gan hmâ, me ûkhûnöng he ka hlingâ ta je wanakat hia thithö hnyi Betheleema, ke hnyi je hnyigoulen e, hwân ge tavat a lo hunaidra ke ne o but ka ta je mendreng, hoton ûen e ame hia but hnö wia hnyin ta je magoi.

Mataio 2:22

Ke e ame long a gʼ ame than biju Arekelao hnyi Juda, hwaban kamen a Heroda, me e ame ot he ka he kâe; ke adre me koû kâu hnyi bwi, me e ame he ka hnyi ke keihen Galilaia,

Ta je huliwa 10:22

Ke haingödrin, ka habe, Haba Konelio, keneturio, at ae wisa hwakecin, me outen Khong, me hna haisoâ hnen at Juda hia, ame kû kâu hnen angela ae kap he ka hawo u ka hnyi umen uma, me me he ka long hofuc gam.

Ta je huliwa 10:7

Ke ame he but angela at a fuc kâu, me e ame hawâ li lanyin me ke soja at ame outen Khong hanen tavat adre me bi athnyabainy hnyi je bong;

Ta je huliwa 12:11

Peteru ame ûnykûme metoâ me e ame ha, ka habe, Oge me wâhmakhmetoâ walang ang a Than ame kunâ anyin angela he ka hûgûnö nya ûnyi hnyi hnyamö Heroda, me hna ûnykûme hia hnen at Juda.

Ta je huliwa 12:7

Ke wâ bi angela anyin Than ame tot unyin, ke ame melam hnyin uma ceat: me e ame khaû vhakö Peteru, me ohmâkâ e, me ha, ka habe, Ie todrö. Me ame ka kolu but li tö fao ûnyi hnyi li hnyamen.

Ta je huliwa 16:36

Me ame ha at ame tuö uma ceat hofuc eling kö Paulo, ka habe, A ûkhûnöng je taben he ka hnʼ öbu but; anyin a wale, didrut öbu, ke tha he thʼ öbu me hnahic.

Ta je huliwa 5:19

Ke ame khong je hwanumen uma ceat hnen angela anyin Than hnyi hnyinghet, me hum ödrin dut hnyou ai, me ha, ka habe,

Ta je huliwa 7:19

Wale at bihihwakecin ka je lakamöta, kʼ ame okongoâ lakamöta, kʼ ame kunʼ ödra he ka dedegec lakudra je mendring, mʼ adre me ca möt bi.

Josua 3:13

Ke e ka tot hnyi Joridano hnyeûcan je hnyat ödrin e vadren tang anyi Iehova, Thaniny hmeledrany hia, me ame he ka subâ luâ but köien Joridano, wale ûnyi hnyi köiö ame di ûheny hnyi hwadrö; ke ame he ka tot helâ me khölöki:

Josua 3:17

Ke ame tot me ca bwebwet tavat bihut, hnyat ödrin e vadren tangen ûhihinyköu anyi Iehova, hnyi dok ae mada, wanben Joridano, ke adre me he hanyâûâ hnyi dok ae mada a at Isaraela hia thithö ke ne o but ame hanyâûâ Joridano haen tavat hia.

Josua 4:10

Anyin a haba hnyat bihut, wale hnyat vadren tang, me ödrin e tot hnyi wanben Joridano, ke ne o but adre umo hia waleji a hûna Iehova kö Josua he ka ha ka tavat, helâ me Mose ame hûna kö Josua: ke haba tavat adre me mweimwei me hanyâûâ.

Josua 4:18

Ke e ka ölö thö tavat bihut hnyat ödrin e vadren tangen ûhihinyköu anyi Iehova ûnyi hnyi wanben Joridano, ke ame uto dok ae mada hnen hnyeûcan hnyat bihut, me ame khutu hmetu but köien Joridano ka hnyi hnen, me öliâ je baten helâ me et.

Hna Omanenâ 12:14

Ke adre me ham ka momo li labenyin aeto ae gan, me me gâ ûnyi hnyi hnyimakan on ka hnyi hnyebuba a hnen, ke adre hat eling, hnyi ûen a khaca, me je ûen, me haf ûen.

Hna Omanenâ 12:4

Ke e ame lelo tilâ hnen hmokunen ke keihen a kuniny ta je okhûiny drany, me ame khûâ ka hnyi hmeledrany: ke haba drakona ame tot hnyi hnyimakan momo, waleji ame he but ka hnokoâ, me me he ka an nokon e ka o.

Hna Omanenâ 12:6

Me ame kec ut momo hnyebuba ai, ke e hu gan eling dok a penapena Khong, mʼ adre me he ka hat eling hnyi ta je bong a wan thauzan tu haded ke sikste.