Mataio 19:7 - Iaai Bible 1901 (New Caledonia)

⁷ Haingödrin kâu, ka habe, Anyin a ieû Mose ame hûna he ka ham tusiny thang faipoipo, me ip ju momo?

Mataio 19:7 ပူးပေါင်းရင်းမြစ်များ

Isaia 50:1

WALANG hna ha hnö Iehova, ka habe, Ewa tusiny thang faipoipo ge hinyöbun, waleji oge me degec e kâu? ke ewa at oge hia but ûcû öbun kâu unyin tavat oge me hom gufa gadra? Wâ bi, can hwakecibun ae kong adre ûcû öbun, kʼ adre me degec hinyöbun can hnobun hna hanyâûâ.

Jeremia 3:8

Ke oge me wâ but, anyin a hnyi hna bi ûnyi monu hnö Isaraela, at ame labö kolu, me oge me degec e, me ham kâu tusiny thang hna faipoipo, ke so bi, ame ca ot bi Juda at iyawo a liamekeiny më; ke e ame he minya bi, me bi ûnyi monu.

Malaki 2:16

Anyin a haingö Iehova Khongon Isaraela, ka habe, Hûkötiânök he ka digic ta momo, me at ame tube khaûen ge ûokonguny, haingö Iehova tuhan sabaoth: anyin a wale tuö ju je hanubun me me ca iyawö.

Mataio 1:19

Ke at ae wisa Josefa a âiân, kʼ ame ca beweny he ka omanenâ hwakecin hnyi hnyimakan tavat, me e ame ûnykûme he ka degec duöngâ e.

Mataio 19:6

Waleling mʼ ödru me ca lo hmetu bi, ke khaca thibi unyidra. Anyin a wale, haba hnen Khong hna ûhûkâlâköuâ, me ca he bi at ka thang.

Mataio 19:8

Me e ame ha ködrin, ka habe, Haba Mose ame hnʼ öbun he ka degec laöiöbun can ûnâkiny je hnyekubun: kʼ adre me ca hnyi helâe hnyi can.

Mataio 5:31

Adre me ha minya ehac, ka habe, Haba at ame degec âiân, e so e ame he ka ham tusiny thang hna faipoipo:

Mareko 10:4

Haingödra, ka habe, Mose ame hna he ka sihnalimen tusiny thang hna faipoipo, mʼ adre me degec ut.