Mataio 19:29 - Iaai Bible 1901 (New Caledonia)

²⁹ Ke haba at ame he ka hna but uma, ke liamekeiny, ke haniny, ke kamen, ke hinyen, ke lakon, ke hnyei, can iök, me e ame kap wan haded ûsehiainy, me ame he ka hu minya möt ae ca ba balua.

Mataio 19:29 ပူးပေါင်းရင်းမြစ်များ

At Khet 3:6

ûen hlo, me ûen okolo; ûen tuö, me ûen degec;

Mataio 10:22

Ke ame he tavat hia thithö ka hûkötö köbun can iök: ke haba at ame he ka hokhnyok ke ne o but hnyi obiny, me ame he ka möt.

Mataio 13:23

Ke haba hna tā hon kânâ ae hoso, wale at ame long hofuc, me wâ ûnykûme; at ame hing wa, me hu wan, keihen ûsa wan haded, ke keihen ûsa sikste, ke keihen ûsa thote.

Mataio 13:8

ke ame kolu but keihen ka hnyi kânâ ae hoso, me wa but, keihen ûsa wan haded, keihen ûsa sikste, keihen ûsa thote.

Mataio 16:25

Anyin e haba at ame beomelö anyin möt, me ame be ka ohia e: ke haba at ame he ka hna anyin möt can inya, ame he ka hu e.

Mataio 19:16

Me wâ bi ame o but ke at me ha kâu, ka habe, At ûne lö, ieû ke ûnyi ae so o ge me he ka ânyâ me me hu thö könya möt ame ca ba balua?

Mataio 25:34

Haba Than ame he ka ha kodra hnyi ke keihen a metân, ka habe, Ai öbun, öbun hia tavat a ohnahicâ hnen Kamök, hu hwajekhöûbun ju dökhu adre penapena hobi köbun hwân hnyi hna bi taben hmeledrany:

Mataio 25:46

Ke haba tavat ang, me adre me he ka he ka hnyi hna bi hwaban ame ca ba balua; ke haba tavat ae wisa hwakecidra ka hnyi möt ame ca ba balua.

Mataio 5:11

Hnobun hnahic e ka he tavat ka û öbun me oveci öbun, me haikongu öbun, me bai thoi öbun ge ta je ûnyi hia can inya.

Mataio 6:33

Ke böbun he ka elâm dokhon dökhu, me hwakecin ae wisa; ke adre me he minya ka ham köbun ta je ûnyi e.

Luka 14:26

A ne hu at ame he ka o könya, ke ame ca hociâ bi kamen, me hinyen, me âiân, me lakon, me je liamekeiny, me lahaniny, me anyin minya bi möt, e ca khana he ka bi hanen ta je latök.

Luka 5:11

Ke ame khop do li hu me ödrin e hna but ta je ûnyi hia, me he hoton.

Luka 6:22

Hnobun hnahic e ka he tavat ka hûköti öbun, me obʼ öbun, me haikongu öbun, me degec je iöbun helâ me ûnyi ae kong can Nokon at.

Ioane 15:19

Öbun e ne je lahanen hmeledrany, ame he hmeledrany ka betenge ka lahanen: ke anyin a öbun ca lahanen hmeledrany, ke oge me ûcʼ öbun ûnyi eang hmeledrany, waleling me me hûkötiʼ öbun hmeledrany.

Ioane 4:36

Haba at ame hiny, me e ame kap hwaban, kʼ ame ûkhöûnâ troban hobi kâu möt ame ca ba; me me tha senyin at ame tā me at ame hiny.

Ta je huliwa 9:16

anyin oge me he ka omanenâ kâu ûganiny vec e ame he ka hom can iök.

I. Korinito 2:9

helâ me hna sihnalimen, ka habe, Ame ca wâ hnen ecmak, kʼ ame ca long ge hnyiköny, Kʼ ame ca dit ka hnyi hnyin at ta je ûnyi Waleji a penapena Khong hobi kodra adre me hnyok kâu.

II. Korinito 5:16

Wale me öhmun e hwân walang ang a öhmun e ca he ka wâhmakhmeto ke at hoton unyin: eja ke ne öhmun e hia but wâhmakhmeto Keriso hoton unyin, ke so bi walang ang öhmun e ca he ka wâhmakhmeto hmetu bi e helâe.

Filipi 3:8

Eke, e hnathu, inya oge me oûnyibâûâ ta je ûnyi hia thithö ûnyi hnyi ûnuainy hna wâhmakhmetoâ Keriso Iesu a Tuhok: ke can thibi e oge me hna degecâ ta je ûnyi hia thithö, ke oge me ûnykûme me tiren bi ta je ûnyi eling, me inye he ka hu Keriso,

I. Peteru 4:14

Adre ne haikongu öbun can ien Keriso, hnobun hnahic; anyin ame laba unyibun Hanon hmanenang me Hanon Khong.

III. Ioane 1:7

Anyin adre he can Ien, ke ba ûnyi adre me hom ge Aten ke je hnyei.