Mataio 19:24 - Iaai Bible 1901 (New Caledonia)

²⁴ Ke inya oge me ha hmetu köbun, ka habe, E hâhâ ka kamela he ka didro hnyi hwanumen jebû, hon he ka didro ka hnyi dökhu dokhon Khong at ae tren omjeû.

Mataio 19:24 ပူးပေါင်းရင်းမြစ်များ

Jeremia 13:23

Hawa, e khana at Aithiop he ka wia unen unyin, me lepad, hna bi hnahlimen unen? awe, e khanʼ öbun he ka ânyâ so, wale tavat adre me khenen he ka ânyâ hulo.

Mataio 19:25

A long ut laten me ödrin e lâiâ gan hmâ me ha, ka habe, Ia la ae khana he ka möt?

Mataio 19:26

Haba Iesu ame ō ʼdrin me ha, ka habe, E ca khana bi e hnen at; ke ba ke ûnyi ae pason ka Khong.

Mataio 23:24

Hnyat ûsû, kʼ öbun je wadröu bi, hnyat öbun e hneköien minâ, me utâ bi kamela.

Luka 18:25

Anyin ae hâhâ ka kamela he ka didro ka hnyi hwanumen jebû, ke hnek bi he ka didro ka hnyi dokhu dokhon Khong ka at ae tren omjeû.

Ioane 3:3

Iesu ame thu me ha kâu, ka habe, E hnathu, e hnathu, inya oge me ha köu, Adre ne ca hnokoâ hmetu hi at, e ca khana he ka wâ dokhu dokhon Khong.

Ioane 3:5

Ke haingö Iesu, ka habe, E hnathu, e hnathu inya oge me ha köu, Adre ne ca hnokoâ bi at hnyi köiö me Hanu, e ca khana he ka didrö ka hnyi dökhu dokhon Khong.

Ioane 5:44

Öhun e he ka kâmâu he ka labageju, öbun hnyat ûkapköuâ hnân ogânâ ûnyi gabun bi, ke ca elâm bi hnân ogânâ ûnyi ge Khong a khaca thibi?