Mataio 19:17 - Iaai Bible 1901 (New Caledonia)

¹⁷ Me e ame ha kâu, ka habe, Ieû gam u me hnö gak ûnyi ae so? Khaca thibi at ae so: ke a ne wem he ka didro ka hnyi möt vheno thö ta je hnanyibu.

Mataio 19:17 ပူးပေါင်းရင်းမြစ်များ

Nehemia 9:29

ke u je thawʼ ödrin, mʼ u me he ka ohmetu ödrin ka hnyi ânyâm hnanyibu: ke so bi ödrin e bi gan me ca long bi hnâm je hna hûna, ke ödrin e monu hnyi hnâm je hna owisa, (wale a ne ânyâ e ke at, me ame he ka möt hnen e,) ke ödrin e behânâ li abenyidrin, me ohwegiâ je nyidrin, me ca long bi.

Salamo 119:68

U thibi at ae so, me at ame ânyâ so; Nö nya thö ge ânyâm ta je hnanyibu.

Salamo 52:1

AT ae hwege lö, ieû gam u me ohobeluâ ûokonguny? E bala bi ibetengiö anyin Khong.

Ezekiela 20:21

Ke haba je lakudra adre me ûkhin fuc mönya; adre me ca vheno anyik je hnanyibu, me ca tuö hnok je hna owisa me ânyâ, waleji a e ka he ke at ka ânyâ e ame he ka möt hnyin; kʼ adre me okongoâ anyik je sabath: me oge me ha a oge me he ka hingâlâ anyik hmonyin hudra, me umö anyik wathethot hudra hnyi hnyebuba.

Levitiko 18:5

Anyin a wale hamöbun he ka tuö anyik je hnanyibu, me hnok je hna owisa: anyin a haba at ame he ka ânyâ e, me ame he ka möt hnyin: Inya Iehova.

Roma 10:5

Anyin a Mose ame sihnalimen a haba at ame ânyâ hwakecin ae wisa ûnyi hnyi hnanyibu, me ame he ka möt hnen e.

Iakobo 1:17

Haba ta je bwihlany hia ae so me ta je hna ham bâûâ ae hmanenang, me ûnyi ethö ge Kamen melam, waleji ame ca ok, ke ba ong haten hwio gan.

I. Ioane 4:16

Ke ate me wâ me labagejoâ ibetengiö anyin Kong köta. Haba Khong, me ibetengiö; ke haba at ame laba hnyi ibetengiö, me ame laba hnyi hnyekon Khong, ke Khong eû hnyi hnyin.

I. Samuela 2:2

E ba at ae kap helâ me Iehova; Anyin ae ba at bi ke hake thibi u Ke ba kic helâ me Khonguta.