Mataio 19:14 - Iaai Bible 1901 (New Caledonia)

¹⁴ Ke haingö Iesu, ka habe, Hna but ta je wanakat, ke ca thawʼ ödrin bi he ka he jem könya: anyin a helâ ödrin dokhon drany.

Mataio 19:14 ပူးပေါင်းရင်းမြစ်များ

Genese 21:4

Ke Aberahama ame peritomoni Isaaka a nokon ke eit ta bonginy, helâji me hnen Khong hna hûna kâu.

Mataio 11:25

Hnyi ûen e Iesu ame thu me ha, ka habe, Inya oge me ole köu Cica, Tuhan drany me hmeledrany, anyin a u je ikhâlâ ta je ûnyi eang ge tavat ae metâ me tavat ae khana wia, ke u je omanenâ bi ka ta je mendreng:

Mataio 18:3

me ha, ka habe, E hnathu inya oge me ha köbun, ka habe, Öbun e ne ca wiʼ öbun bi, me me helâ me wanakat, e ca khanʼ öbun he ka didro ka hnyi dokhon drany.

Mataio 19:15

Me e ame ip li hnyamen hudrin, me he but ûheny e.

Mataio 5:10

Hnahic hnen tavat adre hia but oveci ödra can hwakecin ae wisa: anyin a hobi kodra dökhu dokhon drany.

Mataio 5:3

Hnahic hnen tavat ae theduoc hanudrin, anyin a hobi kodra dökhu dokhon drany.

Mareko 10:14

Iesu ame wâ, me ame vec hnyekon, ke haingen ködrin, ka habe, Hna but ta je mendreng mʼ adre me he könya; ca thawʼ ödra bi: anyin a helâ mʼ ödra dokhu dokhon Khong.

Mareko 10:15

E hnathu inya oge me ha köbun, Haba at ame ca kap dokhu dokhon Khong helâ me wanakat, me e ame ca he ka dit ka hnyin.

I. Korinito 14:20

Hnyat me lakeiny lö, ca hnyok wainkong bi Öbun hnyi ûnykûme: ke so bi hnyok mendreng hnyi ûokonguny, ke hnyok at hnathu but hnyi ûnykûme.

Owisa 13:7

ke e ame ha könya, ka habe, Wâ bi, u me he ka erkin, me hnokoâ da; ke walang ang u me ca he ka ic waina me grâg, ke ca he bi ka han ûnyi ae kap: anyin ame he ka Nazeri ka Khong wanakat ûnyi hnyi hnyok, ke ne o but bong e ame mokcu.

I. Samuela 1:11

Ke e ame bi khöbi me ha, ka habe, Iehova tuhan sabaoth lö, u je ne he ka wâ vec anyin athnyabaem a momo, me ûnykûme könya, me ca hnying bi athnyabaem a momo, ke u je ne he ka ham könya a athnyabaem ke da, me oge me he ka ham e kö Iehova hnyi ta je bonginy hia thithö, ke ame ca he ka o heleûgi ka hnyi hon ban.

I. Samuela 1:22

Ke a ca hnyi he bi Hana: anyin a e ame ha ka âiân, ka habe, Me hnebaiö but wanakat, me oge me he ka hom e me me manen hnyi hnyimakö Iehova, me laba balua but eling.

I. Samuela 1:24

Ka hia but hnebaiö e, e ame hom e me je bolok minya a kun, ke khaca efa falawa, me tap waina, me hom e ka hnyi uma umo Iehova hnyi I Silo: ke tiga ûhnyûkong wanakat.

I. Samuela 2:18

Ke Samuela ame bi athnyaba hnyi hnyimakö Iehova, ke e tiga wanakat, kʼ ame weikâ iefoda lino.