Mataio 18:7 - Iaai Bible 1901 (New Caledonia)

⁷ Ekölö ge hmeledrany anyin ae hu ta je hna bi joniny! anyin ae ûnyi hnathu he ka oâ ta je hna bijoniny: ke ekölö ge at ame be ka oâ ta je hna bijoniny!

Mataio 18:7 ပူးပေါင်းရင်းမြစ်များ

Genese 13:7

Ke e hu iwatretra ge hnyat tuö meno hale Aberama, me hnyat tuö meno hale Lota: ke at Kanana me at Perizi adre me ka laba hnyei.

II. Samuela 12:14

Ke so bi can anyin a u je kunâ je iwahnaihmiony me Iehova he ka bi gan ge ûnyi e awe, ame he ka mok nokom adre me he ka hnokoâ.

Mataio 16:23

Ke e ame hwio thö me ha kö Peteru, ka habe, Satana lö, he thö ka hnyi hotuk: u at ame bijönik: anyin u je ca ûnykûme ge ta je ûnyi anyin Khong, ke ta je ûnyi thibi anyin at.

Mataio 26:24

Ame he but ka he Nokon at helâ me hna sihnalimen gan: ke ekölö ge at a alecuâ Nokon at a deny! adre ne ca hnokoâ at eling, ame ne so bi kâu.

Mareko 13:7

Ke öbun ka long hwan ta je vat me hon vat, ca ot bi: anyin ae ûcû he ka o ta je ûnyi e; ke tiga hia bi obiny.

Luka 17:1

E AME ha ka laten, ka habe, E ca khana he ka ca o ta je ûjejöng: ke ekölö ge at ame bi deny ûnyi eling!

Ioane 17:12

Oge tuʼ ödrin hnyi iâm, waleji ke tiga inya unyidrin, hnyat u je ham könya: ke oge tuʼ ödrin me ba ke at gadrin ae hia, ke aten thiju hnaûhango; me me hwâdâ hna sihnalimen.

Ta je huliwa 1:16

Hnyat me lakeiny lö, e ûcû he ka ohwâdâ hna sihnalimen a hia but ha adrem Hanu Kap ge hnyimö Davita ga Juda, at ame su ödra ka köt Iesu.

I. Korinito 11:19

Anyin ama he ka hu je imouköu unyibun, me me manen dut tavat ae hnathu gabun.

I. Timoteo 6:1

E ÛCÛ ka ta je athnyaba hia, tavat adre me hije hok he ka ve ogânâ latuhödra, mʼ adre me ca he ka haikongoâ ien Khong me hnen hna ûne.

Tito 2:5

me hnyokâ wisa, me kalaöt hnyekudra, me tavat huliwa hnyi hnyaba, me hwakecin ae betenge, me löng hoton laöiödra, e me ca he ke at ka haikongo bi hofuc hwan Khong:

Tito 2:8

me hofuc ae metâ, ke ca khanʼ ödra he ka haikongu ödra; me me hmehma but at ame ûö bi ûnyi, anyin ae ba ke ûnyi ae monu hnân he ka hai öta.

Juda 1:4

Anyin ame dit duöug keihen, a hnyat adre ip ehac hnân hobi kâu hnaûhango eang, hnyat adre me ca outen Khong, kʼ adre me wia ibetengiö baû anyin Khong ka hnyi hwakecin ae ikiki, kʼ adre me ivinöâ Tuhöta a khaca a Than Iesu Keriso.

I. Samuela 2:17

Ke e ti gan ûkonginy li hidröu hnyi hnyimakö Iehova; me haba tavat adre me hûkötiâ bwihlany kö Iehova.