Mataio 18:31 - Iaai Bible 1901 (New Caledonia)

³¹ Ke a wâ but hnen je athnyaba a hanen hnen hna ânyâ, me ame hmak je hnyekudrin, me ödrin e o thö me omanenâ ka tuhödrin ûnyi hia ame ânyâ.

Mataio 18:31 ပူးပေါင်းရင်းမြစ်များ

Genese 37:2

Walang ta je dö anyi Jekob. Seventin ta je hunai Josefa, me e ame tha tuö me latuhan ta je hnahat meno; ke e thöth unyin je laku Bila me Zilepa, laâiân kamen: ke Josefa ame thumetu ka kamödrin anyidrin monu.

Salamo 119:136

Ta je di ame hingölö hnyi li emakök, Can adre me ca tuö ânyâm ta je hnanyibu.

Salamo 119:158

Oge me wâ but tavat ûalecuo, me oge me hmak dö; Anyin adre me ca vheno hwâm hofuc.

Jeremia 9:1

E NA köiö ju bok, ge pupuainy deköien li emakök, me inye he ka tenge hnyi lany me lit can tavat adre me hlingâ aten hluiny ik hnyei!

Mataio 14:9

Me ame hmak ut than; ke ûnyi bi ge hna khemanyin, ke can ge tavat adre me tha laba mē, me e ame hûna he ka ham but;

Mataio 18:28

Ke ame dit hnyou ai athnyaba eling, me wâ ke athnyaba a hanen, waleji ame mē hom gan je denari a wan haded: me e ame kâlâ e, me kât nyin me ha, ka habe, Hö jem hmetu hnâm hna mē hom gak.

Mataio 18:30

Ke e ame höcö: me e ame he me khûâ e hnyin uma ce at, ke ne o but e ame ham hmetu hna mē hom.

Mataio 18:32

Me haba tuhan ame hawâ e, me ha kâu ka habe, U athnyaba ae kong lö, oge me thang hia hnâm hna mē hom gak, anyin a u je khöû könya:

Mareko 3:5

Ke e ame mē wâ igigili ödra hnyi hmonyin, ke ame vec can ae khot ta je hnyekudra, me e ame ha ka at, ka habe, Lau but hnyamâm. Ke e ame lau but: me ame so hmetu but hnyamen.

Luka 14:21

Me ame o but athnyaba, me omanenâ ta je ûnyi eling ka tuhan. Me ame hmonyin tuhan uma, me ha ka athnyabainy, ka habe, Ie he bi thö ka hnyi je gethen me je hna ngenu hnyi taun, ke hawâ thö jem ta je theduoc, me ta je bâbu, me ta je wadröu, me ta je mat.

Luka 19:41

E hakekeny jut, kʼ ame wâ taun, me e ame tenge gan,

Roma 12:15

Tha senyin dö me tavat adre me senyin; tha tenge me tavat adre me tenge.

II. Korinito 11:21

Inya oge me haikongo, helâke öhmun je hnyat ae sënyin. E ka hu ûnyi ame hwege hnyin ke at (inya oge me hwen monu) inya minya oge me hwege hnyin.

Heberu 13:17

Löng ju öbun hoton tavat adre me tuʼ öbun, me nom ju kodra; anyin adre me hmâkâ hobi kâu ta je hanubun, helâke hanyinödra he ka thu hmetu ge ta je monu; mʼ adre me he bi ka ânyâ e me senyin, ke ca bi me vec: anyin ae ba troban eling hobi köbun.

Heberu 13:3

Unykûme ju öbun tavat adre me cʼ ödra, helâke adre tha cʼ öbun mʼ ödra; ûnykûme ju tavat adre me ovecâ, anyin a tiga öbun minya hnyi unyin.