Mataio 18:19 - Iaai Bible 1901 (New Caledonia)

¹⁹ Wale hmetu ang, inya oge me ha köbun, ka habe, ame ne he lo li at gabun ka tha ogâ ke ûnyi eang hmeledrany wale ödru me he ka sumâtâ, me ame he ka ham ködru hnen Kamök ethö hnyi drany.

Mataio 18:19 ပူးပေါင်းရင်းမြစ်များ

Mataio 21:22

Ke haba ta je ûnyi hia thithö öbun e he ka sumâtâ hnyi hic, öbun ka labageju, me öbun e he ka hu.

Mataio 5:24

mē ip ju ânyâm bwihlany cicö taben hut, ke mē he thö, ke bâm he ka ûsoköu me liamekeiny möu, me u hap he but jem ka hudo ânyâm bwihlany.

Mataio 7:7

Sumâtâ thö, mʼ adre me he ka ham köbun; elâm dö, me öbun e he ka wâ thö; seseto thö, mʼ adre me he ka khong ut köbun:

Mareko 11:24

Anyin a wale, inya oge me ha köbun, ka habe, Haba ta je ûnyi hia öbun e he ka sumâtâ hnyi hic, labagejon ju a öbun e he ka kap, mʼ öbun e he ka kap dö.

Ioane 15:16

Öbun e ca ûco nya, ke oge me ûcʼ öbun, me otilʼ öbun, mʼ öbun e he ka he me wa, me tet hmâ ju wan gabun: me me he Kamen ka ham köbun ta je ûnyi hia öbun e he ka sumâtâ huyi iök.

Ioane 15:7

Öbun e ne laba eû hnyi hnyik, ke hok ta je hofuc ame laba minya hnyi je hnyekubun, öbun e he ka sumâtâ ûnyi öbun e weny, me adre me he ka ânyâ hobi köbun.

Ioane 16:23

Ke ba ûnyi öbun e he ka hnö gak hnyi bong eling. E hnathu, e hnathu, inya oge me ha köbun. Haba ta je ûnyi hia öbun e he ka sumâtâ ge Kamen, me e ame he ka ham köbun ûnyi hnyi iök.

Ta je huliwa 1:14

Ödrin hia e, ödrin e labö hic hnyi hnyok a khaca, tha ödrin me watamomo, me Maria hinyö Iesu, me je liamekeiny minya mē.

Ta je huliwa 12:5

Anyin a wale adre me tuö Peteru hnyin uma ceat: ke haba ekalesia adre me hic ûjöng ka Khong hobi kâu.

Ta je huliwa 16:10

Ke a hia but wâ hna omanenâ, ohmun e ie penapena ka he Makedonia ai, anyin a ohmun e wâhmakhmeto a ga hia but Than kunʼ ohmun he ka khetâ kodra ûthumetu ae so.

Ta je huliwa 6:4

Ke haba ohmun ang, mʼ ohmun e he balua ka hwege hnyi hic, me huliwa hnyi hwan hofuc.

Filipi 1:19

Anyin ae khanö nya, a haba ûnyi eang, me ame he ka obiny ka hnyi anyik jmöt, hnen hijibun hic, me hna ham Hanu Iesu Keriso,

I. Ioane 3:22

ke haba ûnyi ate me sumâtâ me ate me hu but gan, anyin ate me löng hoton anyin hnanyibu, me ânyâ ta je ûnyi ae so hnyi hnyimakan.