Mataio 18:17 - Iaai Bible 1901 (New Caledonia)

¹⁷ Ke a ne höcö ling ödrin, ha thö ka ûkhacaköu: ke a ne höcö long ûkhacaköu, hna but e me me he ka helâ köu me Aten ke je hnyei, ke ta je telona.

Mataio 18:17 ပူးပေါင်းရင်းမြစ်များ

Ezera 6:21

Ke haba lakon Isaraela, hnyat adre me hmetu ûhedrin hnyi hna bâ, me hnyat ödrin e laba unyidrin ûhedrin hnyi ta je ûnyi ae ikiki anyin je wanaithila hnyi hnyei he ka elöm Iehova Khongu Isaraela, me, ödrin e hnyi han,

Ezekiela 11:12

ke ame he ka khanʼ öbun a inya Iehova: anyin a öbun e ca hia but vheno anyik je hnanyibu, ke öbun e ca ânyâ hnok je hna owisa, ke öbun e hia but ânyâ hoton je hna otilâ hnen je hnyei igigili öbun.

Mataio 10:3

ke Filipo, ke Batolomaio, ke Toma, ke Mataio a telona, ke Iakobo nöku Alefaio, ke Thadaio,

Mataio 11:19

Ke ame o but Nokon at, me ame han me ic, ke haingödra, ka habe, Wâ bi, at ae hwenhmiâ me beic waina, hanen ta je telona me tavat ae kong! Ke haba ûnyi hnân haisoâ metâ, me huliwainy.

Mataio 5:46

Anyin öbun e ne betenge ge tavat adre me betenge gabun, me, ieû hwaban köbun? hawa, a ca ânyâ helâe ta je telona?

Mataio 6:7

Ke öbun ka he ka hic ca labö ha thiju ke hofuc a khaca, helâ me hna ânyâ hnen Aten ke je hnyei: anyin adre me ûnykûme a gʼ adre me he ka ling ödra ûnyi ge hnödra hna osehia ha.

Luka 15:1

AME hakekeny dö kâu ta je telona me tavat hia ae monu, he ka long kâu.

Luka 18:11

Haba Faresaio ame tot me hijö e bi helâng, ka habe, Khong lö, inya oge me ole köu, anyin a iny ca ûcû bi me keihen, a tavat venöu, me hwali hwakecidra, me tavat bi ûnyi monu, kʼ iny ca ûcû minya bi me telona ang.

I. Korinito 5:9

Oge hia but sit köbun hnyi anyik tusi, ka habe, ca tha he öbun me tavat bi ûnyi monu;

I. Korinito 6:1

AME hwege la ke at gabun, a ne hu gan ke ûnyi hnân iwatetra me ke at, he ka ûhnö hnyi hnyimakan tavat ae ca wisa bi, ke ca hnyi hnyimakan bi wakap Ke ca khanʼ öbun a gʼ ame he wakap ka owisa hmeledrany?

II. Thesalonika. 3:6

Ke öhmun e hûna köbun hnyat me lakeiny, hnyi ien Tuhöta Iesu Keriso, ka habe, ûsâkâûʼ öbun dut me je hnyat me lakeiny hia thithö ae hwali hwakecidra, ke adre me ca hnu hoton hna ûne waleji adre me kap ûnyi gahmun.

I. Timoteo 6:5

me ta je ûö hwege anyin tavat adre me hnyokâ hulo ke ca hu bi hnathu gadra, ke adre me ûnykûme, ka habe, haba hwakecin outen Khong me wale deny he ka hu kodra tang omjeû.

Josua 22:15

Ke ödrin e o but ka laku Reubena, me laku Gada, me hafiny tribu Manase hnyi hnyei Gileada, me ha ködrin ka habe,