Mataio 18:14 - Iaai Bible 1901 (New Caledonia)

¹⁴ Ke helâe e ca weny Kamöbun ethö hnyi drany, a gʼ ame he ka hia ke at eang ae ûhnyûkong.

Mataio 18:14 ပူးပေါင်းရင်းမြစ်များ

Isaia 40:11

E ame he ka han haleny hnahat mamoe helâ me at tuö mamoe, e ame he ka hom tilâ lakon mamoe hnyi li benyin, me kop ödra hnyi ûlainy, me omi alen je hnyat adre me ûasin.

Zakaria 13:7

Hele vat lö, hmak dö ka at ame tuö mamoe könya, me ûcon at ae ûcû mönya, haingö Iehova tuhan sabaoth: kot dö at ame tuö mamoe, me ame he ka ve se but ta je mamoe; ke oge me he ka wia hnyamök ka tavat ae ûhnyûkong.

Mataio 18:13

Ke a ne wâ ju e, e hnathu inya oge me ha köbun, ka habe, e ame senyinâ e hon hnen hna senyinâ nainte nain ödrin e ca he monu.

Mataio 18:15

Ke a ne monu köu kem, he thö ka omamenâ kâu anyin monu ke hake öbu ke: a ne ling u, öbu me he bi ka liamekeiny hmetu.

Mataio 5:16

Helâ ju e öbun, omelamâ thö melamibun hnyi hnyimakan tavat, mʼ adre me wâ anyibun ta je huliwa ae so, mʼ adre me he ka ogânâ Kamöbun ethö hnyi drany.

Mataio 6:32

Anyin ame elâm hnen Aten ke je hnyei ta je ûnyi e; ke e khana Kamöbun ethö hnyi drany ae ûcû köbun ta je ûnyi e.

Mataio 6:9

Waleling, mʼ öbun e he ka hic helâng, ka habe, Kamöhmun lö, ethö hnyi drany, E so e kap iâm.

Luka 12:32

Hnahat mamoe ae wakhalet lö, ca ot bi, anyin ae weny Kamöbun he ka ham köbun dokhu.

Ioane 17:12

Oge tuʼ ödrin hnyi iâm, waleji ke tiga inya unyidrin, hnyat u je ham könya: ke oge tuʼ ödrin me ba ke at gadrin ae hia, ke aten thiju hnaûhango; me me hwâdâ hna sihnalimen.

Ioane 21:15

Ke ödrin e hia but han haba Iesu ame ha kö Simona Peteru, ka habe, Simona nöku Jona, u me hnyok könya hon hnyat ang? Haingen kâu, ka habe, E, Than; u me wâ a inya oge me hnyok köu, E ame ha kâu, ka habe, Hûn bi ju halek je arenio.

II. Timoteo 2:10

Anyin a wale, inya oge me hokhnyokâ ta je ûnyi hia hobi kâu tavat adre ûca, me me hu minya thö kodra möt a e unyin Keriso Iesu, tha e me hmanenang ame ca ba balua.

Heberu 12:13

me owisa but ta je gethen hobi kâu je cabun, me me ca he ka khikhin can ae mat, ke so bi he ka hwege hmetu bi.

II. Peteru 3:9

E ca bec bi Than hnyi hnen hna ha bânâ, helâ me ûnykûmenen keihen, ka habe, e bec; ke e ame hok hnyoki öbun beû hmâ, e ca weny bi ame he ke at ka hnaûhango, ke so bi adre me he hia thithö ka ietra.