Mataio 17:4 - Iaai Bible 1901 (New Caledonia)

⁴ Ke haba Peteru ame ha kö Iesu, ka habe, Than lö, e so kötin he ka laba eang: a ne wem oge me he ka otilâ je uma menâ a kun; hnân hobi köu khaca, ke hobi kö Mose khaca, ke hobi kö Elia khaca.

Mataio 17:4 ပူးပေါင်းရင်းမြစ်များ

Salamo 16:11

U me he ka omamenâ könya gethen deny möt: E unöngötö senyin hnyi hnyimâkâm; Ke e hnyi hnyamâm a metâm ta je ûnyi hnân osenyinâ nyiele balua.

Salamo 4:6

E hu tavat ae se hia adre me ha, ka habe, Ie at ame he ka omanenâ köta so? Iehova lö, ogöranyâ thö humun melaminy hnyimâkâm.

Isaia 33:17

Ame he li emâkâm ka wâ Than hnyi anyin hmanenang: Ödru me he ka wâ hnyei ae beû hmâ hmonyin.

Zakaria 9:17

Anyin ae ti gan hmâ anyin so, ke ti gan hmâ anyin hmanenang! ame he ka sot wahidröu ge hwit, ke wahlu minya ge waina.

Mataio 17:3

Me wâ bi, haba Mose me Elia ödru me manen ködrin, mʼ ödru ûhnenamö mē.

Luka 9:33

Ke ödru me tiga he but ûhedru unyin, me haingö Peteru ame ha kö Iesu, ka habe, Than lö, e so otin e laba ju ang: ke ohmun e he ka otilâ ke je uma menâ a kun; haba khaca, me hnân hobi köu, ke hobi kö Mose khaca, ke hobi kö Elia khaca: ke ca khanö Peteru bongon hnen hna ha.

Ioane 17:24

Cica lö, haba wek, a gʼ me he ka tha ödra mönya bi hnyi hnök, tavat u je hia but ham könya; mʼ adre me be bi ka wâ anyik hmanenang, waleji u je hna könya; anyin a u je hnyok könya kâû adrem kʼ adre tiga ca bi taben hmeledrany.

Ioane 7:2

E hakekeny jut bijeû anyin at Juda, wale bijeûiny uma menâ

Filipi 1:23

Anyin oge me loloâ hnyi li ûnyi eang, ke haba wek bi, me he ka he but, e me tha inya me Keriso; wale so ae nua:

I. Ioane 3:2

Hnyat a oûnykûmik lö, öta je lakon Khong walang ang, ke tiga ca manen bi bonguta nyiele. Ke e khanʼ öta, ka habe, e ka manen dut, me ate me he ka helâ më; anyin ate me he ka wâ cicöâ e.

Hna Omanenâ 21:23

Ke ca ûnyi hnathu bi seûno me tehi he ka omelamâ taun; anyin ame omelamâ e honen hmanenanginy Khong, ke lamepainy Arenio.