Mataio 17:3 - Iaai Bible 1901 (New Caledonia)

³ Me wâ bi, haba Mose me Elia ödru me manen ködrin, mʼ ödru ûhnenamö mē.

Mataio 17:3 ပူးပေါင်းရင်းမြစ်များ

I. Je Than 17:1

KE haba Elia at Tisebi, hanen tavat adre me laba hnyi Gileada, ame ha kö Ahaba, ka habe, Kia inya Iehova, Khongu Isaraela, wale oge me tot hnyi hnyimakan, a ame he ka ba hau, me we hnyi je huna, ke so bi hoton hok hofuc.

Malaki 4:5

Wâ bi, oge me he ka kunö Elia perofeta köbun e ka tiga ca o bi bong bongu Iehova bong ae gan ke hnân outen.

Mataio 17:2

me e ame ke bongon dut hnyi hnyimaködrin: ke ame hadröngöc hnyimakan helâ me seûno, ke hau anyin je ûkhaû helâ me melâm.

Mataio 17:4

Ke haba Peteru ame ha kö Iesu, ka habe, Than lö, e so kötin he ka laba eang: a ne wem oge me he ka otilâ je uma menâ a kun; hnân hobi köu khaca, ke hobi kö Mose khaca, ke hobi kö Elia khaca.

Mareko 9:4

Ke haba Elia me Mose ödru me manen ködrin, me tha ûhne-namö me Iesu.

Luka 1:17

Ke e ame he ka bân hnyi hnyimakan hnyi hanu me man mani Elia, he ka ohmeto hnyekon ta je kamen ka lakudra, me tavat adre hwen höcö ka hnyi metâ anyin tavat ae wisa; me me he ka ânyâwia tavat adre penapena hobi kâu Than.

Luka 16:16

Ke ne o but kö Ioane hnanyibu me ta je perofeta: hwaban ûen eling adre me khetâ dokhu dokhon Khong, ke ame hwege didro ka hnyin tavat hia.

Luka 24:27

Ke e ame hwân ga Mose me ta je perofeta hia, he ka omanenâ ködru ta je hna sihnalimen hia gan.

Luka 24:44

Me e ame ha ködrin, ka habe, Walang je hofuc oge me ha köbun, waleji e me tiga inya ang unyibun, ae ûcû he ka owhâdâ ta je ûnyi hia adre sihnalimen hnyi hnanyibu anyi Mose, me ta je perofeta, me ta je salamo gak.

Luka 9:33

Ke ödru me tiga he but ûhedru unyin, me haingö Peteru ame ha kö Iesu, ka habe, Than lö, e so otin e laba ju ang: ke ohmun e he ka otilâ ke je uma menâ a kun; haba khaca, me hnân hobi köu, ke hobi kö Mose khaca, ke hobi kö Elia khaca: ke ca khanö Peteru bongon hnen hna ha.

Ioane 1:17

Anyin adre ham hnanyibu a deny Mose; ke ibetengiö bâu me hnathu a deny Iesu Keriso.

Deuteronomi 18:18

Me oge me he ka oâ hobi ködra ke perofeta ûnyi ge je liamekeiny mödra; me oge me he ka ip hok je hofuc hnyi hnyimen, me e ame he ka ha ködra ta je ûnyi hia oge me he ka ha kâu.

Deuteronomi 34:10

Ke ba ke perofeta bala helâ me Mose ame o hmetu hnyi Isaraela, wale hnö Iehova hna iohnyimak mē;