Hwân ûen e, Iesu ame hwân ka omanenâ ka laten a e ame he ka he Jerusalema ai, me vheno ta je vec ae se hia ûnyi ge wahingat, me ta je taben tavat bihut, me hnyat sihnalimen, kʼ adre me he ka hlingâ, kʼ ame he ka möt hmetu hnyi bong a kuniny.
E hnathu, inya oge me ha köbun, haba keihen gadra adre me tot eang, adre me ca he bi ka mok, ke ne o but adre me wâ Nokon at ame he ka o hnyi dokhon dökhu.
ke inya oge me ha köbun, ka habe, A o but Elia, ke adre me ca wâhmakhmeto, kʼ adre hia but ânyâ kâu wedra. Ame he minya Nokon at ka hu vec helâe ûnyi gadra.
Ke ödrin e tiga utut ûhedrin hon bucen, me Iesu ame hûna ködrin, ka habe, Ca ha bi ka ke at ûnyi a manen, ke ne o but a möt hmetu thö Nokon at ûheny hnyi hna mok.
Ke e ame hwân he ka nʼ ödrin, a gʼ ame he Nokon at ka vheno ta je vec ae se hia, kʼ ame he ka oûnyibâûâ e ge wahingat, me je taben tavat bihut, me hnyat sihnalimen, ke adre me he ka hlingâ e, kʼ ame he bi ka möt hmetu hwaban kun ta bong.
e ame ha, ka ʼ habe, Hanymen Nokon at he ka hokhnyokâ ta je ûnyi hia, ke ame he ka hûkötiâ hnen wahingat, me je taben tavat bihut, me hnyat sihnalimen, ke adre me he ka hlingâ, ke ame he ka möt hmetu thö hnyi bong a kuniny.
Ewa perofeta a ca ovecâ hnen lakamöbun? ke ödrin e hlingâ minya tavat a hodra ka omanenâ a gʼ ame he ka o At ae Wisa; wale öbun e alecuâ me hlingâ walang ang;