Mataio 17:20 - Iaai Bible 1901 (New Caledonia)

²⁰ Me e ame ha ködrin, ka habe, Anyin ae ûhnyûkong anyibun labageju: anyin e hnathu inya oge me ha köbun, ka habe, a ne hu gabun labageju helâ me wan sinapi, me öbun e he ka ha ka bucen ang, ka habe, Kec dö kâe; me ame he ka kec; ke ba ke ûnyi ame he ka pason köbun.

Mataio 17:20 ပူးပေါင်းရင်းမြစ်များ

Mataio 13:31

E ame omanenâ hmetu kodra ke ûhöûcû, ka habe, Haba dokhon drany, me ûcû me wan sinapi ame hom ke at me ta hnyi iny hnyei:

Mataio 14:29

Haingen ame ha, ka habe, Aiö u, Haba Peteru ame utut ûheny hon hu, me he hon köiö, he ka he kö Iesu.

Mataio 17:17

Ke haba Iesu ame thu me ba, ka habe, Dö ame ca labageju bi, ke hwali lö, oge me he ka tha e möbun ke ne o but kehö? oge me he ka hokhnyoki öbun ke ne o but kehö? hö jem könya.

Mataio 17:19

Me ame he duöng laten kö Iesu me ha, ka habe, Ieû ae ca khanʼ ohmun gan he ka obâ e?

Mataio 17:9

Ke ödrin e tiga utut ûhedrin hon bucen, me Iesu ame hûna ködrin, ka habe, Ca ha bi ka ke at ûnyi a manen, ke ne o but a möt hmetu thö Nokon at ûheny hnyi hna mok.

Mataio 21:21

Haba Iesu ame thu me ha ködrin, ka habe, E hnathu inya oge me ha köbun, öbun e ne hu labageju, me ca lolo bi hnyok, öbun e ca he ka hake ânyâ thibi hna ânyâ ka imeta, ke öbun e ne he ka ha ka bucen ang, ka habe, Bethe ok ut me ta but eû hnyi köiö, me ame he ka hwâdâ.

Mataio 8:26

Me e ame ha ködrin, ka habe, Ieû gabun öbun e ot hnyat labageju ûhnyûkong? Me e ame todrö, me thawâ ang me köiö; me ame ta but hau ae gan hmâ.

Mareko 11:22

Ke haba Iesu ame thu me ha ködrin, ka habe, Labageju ka Khong.

Mareko 11:23

E hnathu inya oge me ha köbun, ka habe, haba at ame he ka ha ka bucen ang, ka habe, Kec dö, me u me he ka ta but eû hnyi köiö; kʼ ama ca hlohlo bi hnyi hnyekon, kʼ ama labageju a ame he ka hwâdâ hnen hna ha; awe, e ame he ka hu e.

Mareko 4:31

E ûcû me wan sinapi, ödra ka tā hnyi kânâ, wale thibi e wan ae ûhnyûkong hmelen ta je wan hia eang hmeledrany,

Mareko 9:23

Haba Iesu ame ha kâu, ka habe, A ne khanö u bi! E khana ta je ûnyi hia hnen at ame labageju.

Luka 1:37

Anyin ae ba hofuc ûnyi ge Khong ame he ka ba maniny.

Luka 17:6

Haba Than ame ha, ka habe, A ne hu gabun labageju helâ me wan sinapi, öbun e he ka ha ka ûö sukamine eang, ka habe, Ok dö me iwân, me konim u but eû hnyi köiö; me ame he ka ling öbun.

Luka 18:27

Ke e ame ha, ka habe, Haba ta je ûnyi hia thithö ae ca khana at, me khana bi Khong.

Ioane 11:40

Iesu ame ha kâu, ka habe, Oge ca ha köu, ka habe, U je ne he ka labageju, me u me he ka wâ hmanenanginy Khong?

I. Korinito 12:9

ke ka ke at labageju ûnyi ge Hanu a khaca; ke ka ke at man he ka omelö ta je komok ûnyi ge Hanu a khaca;

I. Korinito 13:2

Ke oge ne at perofeta; ke khanö nya ta je ûnyi ae iyong, me je metâ hia; ke a ne hu gak labageju hia, me me khanö nya he ka oc ta je bucen, ke ba gak ibetengiö, awe, iny ca ûnyi hnathu bi.

Heberu 3:19

Me ate me wâ but a ga ca khanʼ ödra he ka dit ka hnyin, anyin adre me ca labageju.