Mataio 17:18 - Iaai Bible 1901 (New Caledonia)

¹⁸ Haba Iesu ame thawâ e, me ame didrut demoni ûnyi hnyin: me ame möt dö da hwân hnyi ûen e.

Mataio 17:18 ပူးပေါင်းရင်းမြစ်များ

Mataio 12:22

Adre me hom but kâu ke at a delec demoni, ae wadröu, ke hum: me e ame osoâ e, me ame fuc dö at ae hum me bwela.

Mataio 15:28

Me haba Iesu ame thu me ha ka momo ka habe, Momo lö, e gan hmâ ânyâm labageju: e so he ka e köu helâ me hnâm hna wem. Me ame möt ut nokon hlu cicö ûen eling.

Mataio 17:17

Ke haba Iesu ame thu me ba, ka habe, Dö ame ca labageju bi, ke hwali lö, oge me he ka tha e möbun ke ne o but kehö? oge me he ka hokhnyoki öbun ke ne o but kehö? hö jem könya.

Mataio 17:19

Me ame he duöng laten kö Iesu me ha, ka habe, Ieû ae ca khanʼ ohmun gan he ka obâ e?

Mataio 9:22

Haba Iesu ame hwio thö me wâ momo, me ha, ka habe, Nokuk lö, senyin dö, u je mödrut hnen ânyâm labageju. Ke ame mödrut momo hnyi ûen eling.

Mareko 1:34

Ke e ame omelö ta je mok ae ve bongon, me obâ ta je demoni ae se hia; ke e ame ca hna bi ta je demoni he ka fuc, anyin adre me wâhmakhmeto but e.

Mareko 5:8

Anyin a e ame ha kâu, ka habe, Hanu ae kong, didrut ûhem hnyi hnyin at.

Luka 4:41

Ke ame dit minya je demoni ûhedra hnyin tavat ae se hia, adre me hongot me ha, ka habe, U thibi Nokon Khong. Ke e ame thawʼ ödra, mʼ adre me ca he ka fuc, anyin adre me wâhmakhmeto but a e thibi Keriso.

Luka 8:29

Anyin a e ame hûna ka hanu ae kong he ka didrut ûnyi hnyi hnyin at. Anyin a e ame osehia kât e: ke adre me labö tuö e, me ca ge tö fao, me ca li can; ke e ame thamuâ hna ca e, me ame hom e hnyebuba ai hnen demoni.

Luka 9:42

Ke e ame tiga he, me haba diabolo ame osesebila e me sa hmonyinâ. Me Iesu ame thawâ hanu ae kong, me osoâ da, me ham hmetu e ka kamen.

Ta je huliwa 16:18

Ke se hia je bong e ame ânyâ e. Me ame hmak hnyekon Paulo, me e ame hwio me ha ka hanu, ka habe, Inya oge me ha köu hnyi iö Iesu Keriso he ka didrut ûhem hnyi hnyin. Me e ame didrut hnyi awa eling.