Mataio 17:17 - Iaai Bible 1901 (New Caledonia)

¹⁷ Ke haba Iesu ame thu me ba, ka habe, Dö ame ca labageju bi, ke hwali lö, oge me he ka tha e möbun ke ne o but kehö? oge me he ka hokhnyoki öbun ke ne o but kehö? hö jem könya.

Mataio 17:17 ပူးပေါင်းရင်းမြစ်များ

Salamo 95:10

Hyni ta je huna a fâte oge me wâ dö ang me iny vec gadrin, Me haingök dö, ka habe, Hnyei ang ame he monu ta je hnyekudra; Ke ca khanʼ ödra dek ta je gethen:

Esodo 10:3

Ke haba Mose me Arona ödru me he kö Farao, me ha kâu, ka habe, Walang hna ha hnö Iehova Khongon at Heberu, ka habe, Ke ne o but kehö u ma he ka höcö öûhnyûkongi u hnyi hnyimakök? hna but lakeik mʼ adre me he ka bi athnyaba könya.

Esodo 16:28

Ke haba Iehova ame ha kö Mose, ka habe, Ke ne o but kehö öbun e he ka höcö ka tuö hnök hna hûna me anyik je hnanyibu?

Ta je Vejec 1:22

Tavat ae ba hnyekudra lö, öbun e he ka hnyok ka hwakecin ba hnyekon ke ne o but kehö? Me tavat ûhiö he ka hiâ ke ne o but kehö, Me tavat ae monu ha hmiödra wâhmakhmeto?

Ta je Vejec 6:9

Ūsēnyin lö, u me he ka mokut ke ne o but kehö? Ie ûen u me he ka höhöi thö ûhem hnyi hna mokut?

Isaia 19:14

A hia but Iehova hingâlâ ka hnyi wanben e hanu ae hwali: ke adre omonoâ Aigupito hnyi anyin ta je huliwa biâ, helâ me at ame monu ge grâg ame he monumonu hnyi hnen hna hmita.

Jeremia 4:14

Jerusalema lö, hneû but hnyekom wale hwakecâm ae kong, me u me he ka mot. Ame he ka mokut eû hnyekom je hna ûnykûme ae kong ke ne o but kehö?

Numera 14:11

Ke Iehova ame ha kö Mose, ka habe, Ame he tavat eang ka hûkötiö nya ke ne o but kehö? adre me ca he ka labageju könya ke ne o but kehö, ge ta je ûöman hia waleji oge ânyâ unyidra?

Numera 14:27

Oge me he ka hokhnyokâ ke ne o but kehö ûkhacaköu eang ae kong, tavat adre me ulidri nya? oge löng ut ulit anyin lakon Isaraela wale adre me ulidri nya.

Mataio 13:58

Ke e ame ca ânyâ ta je huliwa ae man ae se hia eling, can anyidra ca labageju.

Mataio 16:8

Haba Iesu ame wâhmakhmeto, me e ame ha, ka habe, Öbun hnyat labageju ûhnyûkong lö, ieû gabun öbun e ûhnenamököuâ anyin ae ba areto?

Mataio 17:16

Ke oge hia but hom e ka lâtâm, ke ca khanʼ ödrin he ka omelö e.

Mataio 17:18

Haba Iesu ame thawâ e, me ame didrut demoni ûnyi hnyin: me ame möt dö da hwân hnyi ûen e.

Mataio 6:30

Ke a ne khavâ Khong hnyot helâe a e hnyi bong ang, ke nyi adre me he ka khûâ but ka hnyi wahnainyâ, hawa, e ca ûnyi hnathu kâu he ka khaûʼ öbun, öbun hnyat a labageju ûhnyûkong?

Mataio 8:26

Me e ame ha ködrin, ka habe, Ieû gabun öbun e ot hnyat labageju ûhnyûkong? Me e ame todrö, me thawâ ang me köiö; me ame ta but hau ae gan hmâ.

Mareko 16:14

Ke hwaban dö e e ame manen ködrin a eleven ödrin e tiga laba ka han; me e ame û ödrin can anyidrin ca labageju me khot a je hnyekudrin, anyin a ödrin e ca kap bi hna ha hnen hnyat ödrin e wâ e a ga möt hmetu thö.

Mareko 9:19

Me e ame thu ködrin, ka habe, Dö ame ca labageju lö, oge me he ka tha inya möbun ke ne o but kehö? oge me he ka hokhnyoki öbun ke ne o but kehö? hö jem könya.

Luka 24:25

Me e ame ha ködru, ka habe, Öbu li monu, me bec li hnyekubu he ka kap hia je hna ha hnen ta je perofeta!

Luka 9:41

Haba Iesu ame thu, ka habe, E, dö ame ca labageju bi ke hwali, oge me he ka tha laba möbun, ke hokhnyoki öbun ke ne o but kehö? Hom but jem nokom.

Ioane 20:27

Ke e ame ha kö Toma, ka habe, Hö jem banyâm me wâ bi ang li hnyamok; ke hö jem hnyamâm, me inâ ju ka hnyi vhakök: me ca lolo bi, ke labageju ju.

Ta je huliwa 13:18

Ke helâ me fâte je huna e ame hokhnyokâ hwakecidra hnyi hnyebuba.

Ta je huliwa 2:40

Haba Peteru ame khetâ, kʼ ame khöû kodra ge ta je hofuc ae se hia, haingen, ka habe, Omeli öbun dö ûnyi hnyi dö eang ae hwali.

II. Korinito 11:1

EWEK öbun e ha ka hokhnyoki nya okhulit thibi hnyi anyik monu: eke, hokhnyoki nya ju.

Deuteronomi 32:5

Adre hia but iyawâ, ödra ca lakon, ke wale hnyikongudrin; Dö ae hwen höcö, ke hwali hwakecidru.