Mataio 16:28 - Iaai Bible 1901 (New Caledonia)

²⁸ E hnathu, inya oge me ha köbun, haba keihen gadra adre me tot eang, adre me ca he bi ka mok, ke ne o but adre me wâ Nokon at ame he ka o hnyi dokhon dökhu.

Mataio 16:28 ပူးပေါင်းရင်းမြစ်များ

Mataio 10:23

Ke ödra ka oveci öbun hnyi ke taun, kec dö ka hnyi ke taun: anyin ae hnathu inya oge me ha köbun, ka habe, Öbun e ca he ka vheno hia ta je taun hnyi Isaraela, ke ne o but ame o thö Nokon at.

Mataio 16:13

Ke ame o but Iesu hnyi ke keihen hnyei Kaisaria Filipi, me e ame hnö laten, ka habe, Haba ifucin tavat ge Nokon at, me ia?

Mataio 24:3

E ame tiga laba hon bucen Elaio, me ame o duöng kâu laten, me ha, ka habe, omanenâ thö kohmun ame he ka o kehö ta je ûnyi eî ke ieû haten ge hnâm hna he ka o hmetu, me ûnyi minya a obiny hmeledrany?

Mataio 24:34

E hnathu inya oge me ha köbun a gʼ ame ca he ka ie hia dö eang, me ame he ka hwâdâ ta je ûnyi hia e.

Mataio 24:42

Anyin a wale, hmâkâ thö: anyin ae ca khanʼ öbun ûen ame he ka o hnyin Tuhö-bun.

Mataio 26:64

Haingö Iesu ame ha kâu, ka habe, U me ha e: ke inya oge me ka köbun, ka habe, Nyiele öbun e he ka wâ Nokon at ame laba hnyi ke keihen maniny man a metân, kʼ ame he ka o hnyi ûlâiny drany.

Mataio 8:20

Ke haba Iesu ame ha kâu, ka habe, Haba ta je alope, me hu hnödra hnyi kânâ, ke haba ta je meno ame ga ethö, me hu haûödra; ke haba bi Nokon at, me ba hnân omokulec ban hnyin.

Mareko 13:26

Me adre me he ka wâ Nokon at ame he ka o hnyi ta je ûlâ tha e me man ae gan me hmanenang.

Mareko 8:38

Haba at ame he ka hmehma gak me hok ta je hofuc hnyi dö ang, a dö bi ûnyi monu, kʼ ame ânyâ ta je hulö, me ame he bi Nokon at ka hmehma gan hnyi ûen e ame tha o me ta je angela ae kap hnyi hmanenanginy Kamen.

Mareko 9:1

KE e ame ha kodra, ka habe, E hnathu, inya oge me ha köbun, ka habe, Haba ke je hnyat adre me tot eang, me adre me ca he ka mē mok ke ne o but adre me wâ dokhu dokhon Khong ame he ka o me man.

Luka 18:8

Inya oge me ha köbun, e ame he ka ie owisa ködra. Ke e ka o Nokon at, hawa e ame he ka wâ labageju eang hmeledrany?

Luka 2:26

Ke adre hia but omanenâ kâu a deny Hanu Kap, a gʼ ame ca he ka wâ mok, kʼ ame he ka mē wâ thö Keriso anyin Than.

Luka 9:27

Ke e hnathu inya oge me ha köbun, haba keihen adre me tot ang, adre me ca he ka mē mok ke ne o but adre me wâ thö dokhu dokhon Khong.

Ioane 21:22

Iesu ame ha kâu, ka habe, Oge ne wek e ame he ka ûlubahing ke ne o but oge me o, hnân eû köu? he bi u hotuk.

Ioane 8:51

E hnathu, e hnathu, inya oge me ha köbun, ka habe, a ne hu at ame he ka vheno hok hofuc, me e ame ca he ka wâ mok nyiele balua.

Ioane 8:52

Me ame ha kâu at Juda, ka habe, E khanʼ ohmun dut walang ang, a e unyâm demoni. A mokcu Aberahama, me ta je perofeta, ke u me ha, ka habe, A ne hu at ame he ka vheno hok hofuc, me e ame ca he ka wâ mok nyiele balua.

Ta je huliwa 1:11

haingödru, ka habe, At Galilaia lö, ieû gabun öbun e ngele drany ai? ame he ka o hmetu Iesu at adre me hom unyibun hnyi drany ai, helâ me hnen hna ölö hnyi drany ai, kʼ öbun e wâ.

I. Korinito 15:23

Adre me he ka ve tot gaga, a ban Keriso, hwaban e je laten Keriso, e ka o but.

I. Thesalonika 1:10

me he ka halubahingen Nokon ûheny hnyi drany, waleji e ame omelö hmetu thö ûheny hnyi hna mok, a Iesu at ame omeli öta ûnyi hnyi hmonyin ame he ka o.

Heberu 2:9

Ke ate me ō Iesu, at adre hia but wia e me omi ûhnyûkong hmelen ta je angela, kʼ adre me obicâ ge hmanenang me hna ogânâ, anyin a e ame hom vecin mok, me me vheno mok hobi kâu tavat hia thithö hnen ibetengiö bâu anyin Khong.

Iakobo 5:7

Anyin a wale hnyat me lakeiny lö, hokhnyok ju ke ne o but ame o thö Than. Wâ bi, haba at belok ame halubahingen okoman hna belok ûnyi eû hnyi kânâ, me hokhnyok ke ne o but ame hu we a bân me we a biliny.

II. Peteru 1:16

Anyin a öhmun e ca hnu hoton ta je vekhet thoi anyin tavat ae metâ, waleji hnyi ûen öhmun e omanenâ köbun man me ioiny Tuhöta Iesu Keriso, ke öhmun e hnyi wâ anyin hmanenang.

I. Ioane 2:28

Ke walang ang je wanakat lö, laba ju eû hnyi hnyin; me me hu gata hnyok ae hwege, e ka manen dut, mʼ ate me ca he ka hmehma hnyi hnyimakan e ka o but.