Mataio 16:24 - Iaai Bible 1901 (New Caledonia)

²⁴ Me Iesu ame ha ka laten, ka habe, A ne ke at ame weny he ka he hotuk, e so e ame hokhnyok, me hom anyin satauro me he hotuk.

Mataio 16:24 ပူးပေါင်းရင်းမြစ်များ

Mataio 10:38

Ke haba at ame ca hom bi anyin satauro me he hotuk, me ca ûcû könya.

Mataio 27:32

Ke adre me didrut me wâ ke at Kurene, Simona ien: me adre me muso e he ka tha he, me me he ka vadren anyin satauro.

Mareko 10:21

Ke haba Iesu ame wâ hmâ e, me betenge gan, me ha kâu, ka habe, Khaca thiju ûnyi ae hia gam: he thö ka ûco ânyâm ta je ûnyi, me ham ka ta je theduoc, me ame he ka hu köu tang omjeû hnyi drany: ke aiö u bi, he hotuk.

Mareko 15:21

Ke adre me musi Simona at Kurene at ame he unyidra ûheny hnyi ta hnyei, kamö Alesanedo me Rufo, he ka vadren anyin satauro.

Mareko 8:34

Ke e ame hawâ tavat ae se hia me laten minya, me ha kodra, ka habe, A ne hu ke at ame weny he ka he hotuk, e so e he ka hamen hokhnyok, me hom anyin satauro me he hotuk.

Luka 14:27

Haba at ame ca vadren anyin satauro me he hotuk, e ca khana bi he ka bi hanen latök.

Luka 23:26

Adre me lelö e, ke adre me köt Simona, at Kurene, ame he ûheny hnyi hna belök, me adre me ip hon e satauro, me me vadren hotu Iesu.

Ioane 19:17

Me adre me hum Iesu thö: me e ame didrut ka vadren satauro hobi kâu, ka hnyi dok, ien, Iny ibokomok, ke haba hnyi hwen Heberu, me Gologotha:

Ioane 21:19

E ame ha e, ame omanenâ bongon mok ame he ka moko me hnân ogânâ Khong. Ke a hia but ha e, e ame ha kâu, ka habe He hotuk.

Ioane 21:22

Iesu ame ha kâu, ka habe, Oge ne wek e ame he ka ûlubahing ke ne o but oge me o, hnân eû köu? he bi u hotuk.

Ta je huliwa 14:22

ödru me ohmâ je hnyekon laten, me sihwegi ödra he ka tethmâ hnyi labageju, me ha, ka habe, hamöta he ka dit ka hnyi dokhu dokhon Khong deny ta je vec ae se hia.

Kolose 1:24

Ke walang ang inya oge me senyinâ anyik je vec hobi köbun, ke oge me obekhötâ hnyi unyik hounyin je vec anyin Keriso hobi kâu unyin e, wale a ekalesia;

I. Thesalonika 3:3

me me ca he ka bwebwelâ ke at hnen je vec eling; anyin ae khanʼ öbun a gʼ adre kunʼ öhmun hobi kâu e.

II. Timoteo 3:12

Eke, ke adre me he ka oveci ödra hia tavat adre me weny he ka laba me hwakecin ae ûcû me Khong unyin Keriso Iesu.

I. Peteru 2:21

Anyin adre hawʼ öbun kâ e: anyin a Keriso ame hom vec minya hobi köbun, me ham köbun tulut, mʼ öbun e he ka cet hwadeny li hnyeûcan: