Mataio 16:23 - Iaai Bible 1901 (New Caledonia)

²³ Ke e ame hwio thö me ha kö Peteru, ka habe, Satana lö, he thö ka hnyi hotuk: u at ame bijönik: anyin u je ca ûnykûme ge ta je ûnyi anyin Khong, ke ta je ûnyi thibi anyin at.

Mataio 16:23 ပူးပေါင်းရင်းမြစ်များ

Genese 3:17

Ke e ame ha kö Adamu, ka habe. Anyin a u je hia but löng hoton hwan âiâm, me han ûnyi hnyi ûö waleji oge me nyibu u gan, me ha ka habe, Ca he ka han ûnyi hnyin; awe hnaûhangö but kânâ ûnyi gam; ke u ma he ka han ûnyi hnyin hnyi vec hnyi ta je bonginy ânyâm möt hia;

II. Samuela 19:22

Ke haingö Davita, ka habe, Ieû könya gabun je laku Zeruia, mʼ öbun e he ka bi iwahnaihmiony mönya hnyi bong ang? hawa, adre me he ka hlingâ ke at hnyi Isaraela hnyi bong ang? hawa oge me ca wâ a iny than Isaraela hnyi bong ang?

I. Man Ûlabainy Je Than. 21:1

HABA Satana ame todrö ka at Isaraela, me cubic Davita he ka aû at Isaraela.

Isaia 8:14

Ke e thibi hnân dok ae kap; ke veto hnân setu me kic hnân öhûkötö ka li lap anyi Isaraela, hnân hnewe me ofific ka tavat adre me laba hnyi Jerusalema.

Mataio 16:22

Haba Peteru ame hom e, me hwân he ka thawâ, haingen, ka habe, Ekölö gam Than; adre me ca he bala ka ânyâ helâe köu.

Mataio 18:7

Ekölö ge hmeledrany anyin ae hu ta je hna bi joniny! anyin ae ûnyi hnathu he ka oâ ta je hna bijoniny: ke ekölö ge at ame be ka oâ ta je hna bijoniny!

Mataio 4:10

Ke haba Iesu ame ha kâu, ka habe, Satana lö, kec dö: anyin adre hia but sihnalimen, ka habe, U ma he ka khudrung ka Than a Khongom, me bi athnyabainy thibi.

Mareko 8:33

Ke e ame hwio thö me wâ laten, me e ame thawo Peteru, me ha, ka habe, Satana lö, he thö ka hnyi hotuk: anyin a u je ca wâ ûnykûme ta je ûnyi anyin Khong, ke so thibi ta je ûnyi anyin at.

Luka 4:8

Haba Iesu ame thu kâu, ka habe, Adre hia but sihnalimen, ka habe, U me he ka khudrung ka Than a Khongom, me bi athnyabainy thibi.

Ioane 6:70

Iesu ame thu ködrin, ka habe, Hawa, oge me ca ûcʼ öbun a twelv, ke diabolo ke at gabun?

Roma 14:13

Anyin a wale ca he hmetu ota ka ûûnykûmköu: ke so bi he ka ûnykûme ûnyi thibi ang, a ca he ke at ka ip hnân othöâ, ame ne ke ûnyi hnân ovhelâ liamekeiny.

Roma 14:21

E so he ka ca hnyi han utiö, me ijem waina, me ânyâ ke ûnyi hnân öthöâ liamekeiny möu.

Filipi 3:19

haba obiny ködra, me hnaûhango, haba khongudrin me hnyekudra, kʼ adre me hobeluâ ûnyi hnân hmehma ködra, kʼ adre me hnyok ka ta je ûnyi hnyi hmeledrany ang.

Kolose 3:2

Hnyok dʼ öbun ka ta je ûnyi ethö, ke ca ka ta je ûnyi eang hmeledrany.