Mataio 16:21 - Iaai Bible 1901 (New Caledonia)

²¹ Hwân ûen e, Iesu ame hwân ka omanenâ ka laten a e ame he ka he Jerusalema ai, me vheno ta je vec ae se hia ûnyi ge wahingat, me ta je taben tavat bihut, me hnyat sihnalimen, kʼ adre me he ka hlingâ, kʼ ame he ka möt hmetu hnyi bong a kuniny.

Mataio 16:21 ပူးပေါင်းရင်းမြစ်များ

Nehemia 12:7

Salu, Amok, Hilekia, Jedaia. Wale je taben tavat bihut me je liamekeiny mödrin hnyi je bong bongu Jesua.

Mataio 12:40

anyin a Jona ame laba hnyi hnyin wâ ae gan kun ta lany ke kun ta lit: helâe ame he Nokon at ka laba hnyi hnyin kânâ kun ta lany ke kun ta lit.

Mataio 16:22

Haba Peteru ame hom e, me hwân he ka thawâ, haingen, ka habe, Ekölö gam Than; adre me ca he bala ka ânyâ helâe köu.

Mataio 16:28

E hnathu, inya oge me ha köbun, haba keihen gadra adre me tot eang, adre me ca he bi ka mok, ke ne o but adre me wâ Nokon at ame he ka o hnyi dokhon dökhu.

Mataio 17:12

ke inya oge me ha köbun, ka habe, A o but Elia, ke adre me ca wâhmakhmeto, kʼ adre hia but ânyâ kâu wedra. Ame he minya Nokon at ka hu vec helâe ûnyi gadra.

Mataio 17:9

Ke ödrin e tiga utut ûhedrin hon bucen, me Iesu ame hûna ködrin, ka habe, Ca ha bi ka ke at ûnyi a manen, ke ne o but a möt hmetu thö Nokon at ûheny hnyi hna mok.

Mataio 20:28

helâ me Nokon at a ca o me me he ka bi athnyaba kâu tavat, ke so bi he ka bi athnyaba me ham anyin möt hnân hwaban melen tavat ae se hia.

Mataio 26:2

Öbun e wâ ae lo biju li bong me ame he ka o but paseka, ke adre me he ka alecuâ Nokon at me he ka osatauroâ.

Mataio 26:47

E ame tiga fuc, me wâ bi, ame o but Juda, ke at hnyi twelv, ke tha e me tavat ae se hia, adre me vhat hele vat me utöhmu, ûnyi ge je taben tavat bihut me wahingatiny hnyei.

Mataio 27:12

Ke ame bi fuco e hnen ta je taben tavat bihut me wahingat, me e ame ca thu bi.

Mataio 27:63

me ha, ka habe, Taböny than lö, ohmun e ûnykûme a gʼ ame ha hnen at iyawö eling, kē tiga möt, ka habe, Hwaban kun ta bong oge me he ka möt hmetu.

Mataio 28:6

E hia but ang; anyin a e a möt hmetu thö, helâji me hnen hna ha. Ai öbun ka wâ dok waleji a mokut hnyin Than.

Mareko 8:31

Ke e ame hwân he ka nʼ ödrin, a gʼ ame he Nokon at ka vheno ta je vec ae se hia, kʼ ame he ka oûnyibâûâ e ge wahingat, me je taben tavat bihut, me hnyat sihnalimen, ke adre me he ka hlingâ e, kʼ ame he bi ka möt hmetu hwaban kun ta bong.

Mareko 9:12

Ke e ame ha ködrin, ka habe, E hnathu a bö Elia ka o, me ohâtâ ta je ûnyi hia: ke adre sihnalimen ahö ge Nokon at a e ame he ka vheno ta je vec ae se hia me adre me he ka oûnyibâûâ e?

Luka 17:25

Ke hamen he ka mē vec ge ta je ûnyi ae se hia, me hota degecâ hnen dö ang.

Luka 24:46

ke e ame ha ködrin, ka habe, Adre hia but sihnalimen helâng, a gʼ ame he Keriso ka vec, me möt hmetu ûheny hnyi hna mok hnyi bong a kuniny;

Luka 9:31

ödru me o hnyi hmanenang, me ûhnenamö anyin mok adre me he ka ohwâdâ hnyi Jerusalema.