Mataio 16:20 - Iaai Bible 1901 (New Caledonia)

²⁰ Me e ame ha ka laten mʼ ödrin e ca he ka ha ka ke at a e bi Keriso.

Mataio 16:20 ပူးပေါင်းရင်းမြစ်များ

Mataio 1:16

Jekob ame hnöku Josefa öiö Mana, momo ame hnöku Iesu, adre me hwenyi ien Keriso.

Mataio 16:16

Haba Simona Peteru ame thu me ha, ka habe, U thibi Keriso a Nokon Khong ae möt.

Mataio 17:9

Ke ödrin e tiga utut ûhedrin hon bucen, me Iesu ame hûna ködrin, ka habe, Ca ha bi ka ke at ûnyi a manen, ke ne o but a möt hmetu thö Nokon at ûheny hnyi hna mok.

Mataio 8:4

Ke haba Iesu ame ha kâu, ka habe, Wâ eâu, ca ha ka ke at; ke he thö, omanenö u bi ka at bihut, me ham bwihlany a hûna Mose, hnân haten ohnathoâ ködrin.

Mareko 8:30

Me e ame hûna ködrin, mʼ ödrin e ca ha bi ka ke at.

Mareko 9:9

Ke ödrin e tiga utut ûhedrin hon bucen, me e ame hûna ködrin mʼ ödrin e ca he ka omanenâ hnödrin hna wâ, e me mē möt hmetu thö Nokon at ûheny hnyi hna mok.

Luka 2:11

anyin adre hnokoâ hobi köbun hnyi bong ang hnyi taun anyi Davita, At ûhomeli, wale Keriso a Than.

Luka 9:21

Ke e ame hûna ködrin me ha, ka habe, Ca ha bi ka ke at ûnyi e;

Luka 9:36

Ame o thö hwan hofuc, me ödrin e hake ō Iesu thiju. Ke ödrin e hnyibi ju me ca ha bi ka ke at hnyi je bong eling ûnyi ödrin e wâ.

Ioane 1:41

E ame bân ka elâm liamekeiny mē a Simona me ha kâu, ka habe, Ohmun e wâ but Mesia, (bongon, Keriso).

Ioane 1:45

Filipo ame ō Nathaniela, me e ame ha kâu, ka habe, Ohmun e wâ but hna sihnalimen hnö Mose hnyi hnanyibu me ta je perofeta minya, wale Iesu at Nazareta, nöku Josefa.

Ioane 11:27

Haingen ame ha kâu, ka habe, Eke Than, inya oge hia but kap a u thibi Keriso a Nokon Khong, ame he ka o eang hmeledrany.

Ioane 20:31

ke adre hia but sihnalimen ta je ûnyi e me öbun e he bi ka labagejon a Nokon Khong Iesu Keriso: ke ûnyi ge hnobun hna labageju me ame he ka ha möt köbun ûnyi hnyi ien bi.

Ta je huliwa 2:36

Anyin a wale, e so e he lap anyi Isaraela hia ka wâhmakhmeto a gʼ ame hia but Khong wia Iesu at öbun e osatauroâ me me Than me Keriso.

I. Ioane 2:22

Ewa at thoi, ca e at ame ha, ka habe, ca Keriso bi Iesu? Haba at ame ivinoâ Kamen me Nokon, me wale iwahnaihmiony me Keriso.

I. Ioane 5:1

ADRE hnokoâ ûnyi ge Khong hnyat adre me kap, ka habe, Iesu thibi Keriso: ke haba at ame hnyokâ at a hnokoâ, me ame he ka hnyokâ minya at e ame hnokoâ.