Mataio 16:19 - Iaai Bible 1901 (New Caledonia)

¹⁹ Ke oge me he ka ham köu je kiny dokhon drany: ke haba ûnyi u me he ka ohmâ eang hmeledrany, adre me he ka ohmâ ethö hnyi drany: ke haba ûnyi u me he ka thang eang hmeledrany adre me he ka thang ethö hnyi drany.

Mataio 16:19 ပူးပေါင်းရင်းမြစ်များ

Isaia 22:22

Ke oge me he ka ip kiiny lap anyi Davita hon bajebenyin; ke e ame he ka khong ke ba at ame he ka hlöng, ke e ame he ka hlöng ke ba bi at ame he ka khong.

Mataio 18:18

E hnathu inya oge me ha köbun, ka habe, Haba ûnyi öbun e he ka ohmâ eang hmeledrany adre me he ka ohmâ ethö hnyi drany: ke haba ûnyi öbun e he ka thang eang hmeledrany, me adre me he minya ka thang ethö hnyi drany.

Ioane 20:23

haba ta je hulö anyin tavat öbun e hna, me adre me thang gadra; ke haba hnobun hna ca thang, me ame ka hnen ju.

Ta je huliwa 15:7

Adre hia but ivinö gan hmâ, me ame todrö Peteru me ha ködra, ka habe, Hnyat me lakein lö, e khanʼ öbun dut ehac a hnen Khong hna ûca ke at gabun, me me he Aten ta je hnyei ka hnyi long hofucin ûthumetu ae so ûnyi hnyi hnyimök, me me labageju.

II. Korinito 2:10

Anyin a haba at öbun e onuâ anyin monu, me oge me he bi nya ka önuâ: anyin a haba ûnyi oge hia but onuâ, a ne hu hnok hna önuâ, me oge me ânyâ ûnyi gabun hnyi hnyimakan Keriso;

I. Thesalonika 4:8

Anyin a wale, haba at ame hota degecâ, me e ame ca hota degecâ at, ke Khong bi, wale at ame ham köbun Hanon ae Kap.

Hna Omanenâ 1:18

ke at ae Möt; ke oge hia but mok, ke wâ bi iny möt nyiele nyiele balua, ke e hu gak je kiiny mok me Hedis.

Hna Omanenâ 11:6

E unyidru man he ka hlöng drany me me ca he ka ta we hnyi ta je bonginy perofeta a ödru; ke e hu gadru man hon ta je wagewe he ka wia me me dra, me he ka kot hmeledrany ge ta je mok hia helâ me wedru.

Hna Omanenâ 3:7

Ke sihnalimen ju ka angela anyin ekalesia hnyi Filadelefia, ka habe, Walang ta je ûnyi ame ha hnen at ae kap, ke hnathu, at ae hu gan ki anyi Davita, at ame khong, ke ba at ame he bi ka hlöng, kʼ ame hlöng, ke ba bi at ame he ka khong:

Hna Omanenâ 9:1

KE ame tûâ thö trutru hnen angela a thabûnginy, me oge me wâ ke okhû ame kolu ûnyi hnyi drany ka hnyi hmeledrany: ke adre me ham kâu kiiny hmonop ae dit hmonyin;