Mataio 16:18 - Iaai Bible 1901 (New Caledonia)

¹⁸ Ke inya oge me ha köu, ka habe, U Peteru, ke hnyi hon veto ang, oge me he ka otilâ anyik ekalesia; ke ame ca he ka hwege ta je homagouleny hedis hon e.

Mataio 16:18 ပူးပေါင်းရင်းမြစ်များ

Genese 22:17

anyin a wale oge me he ka ti ohnahici u, me ti osiâ je mâtrânâm, me me helâ me ta je okhûiny drany, me helâ me öny hnyi haten köiö; kʼ ame he mâtrânâm ha hu homagöuleiny ta je iwa-hnaimiöny më;

II. Samuela 18:4

Me ame ha ködrin than, ka habe, Oge me he ka ânyâ ûnyi ae so köbun. Me ame tot than hnyi homagöule, me ame didrut tavat hia, a je deo haded, me je deo thauzan.

Jobu 38:17

Hawa, adre omanenâ köu je homagöuleny mok? Ke u je hia but wâ je homagouleny hmenon mok?

Salamo 107:18

Haba hanudra ame höciâ ta je jeû hia thithö; Kʼ adre me hakekeny ka hnyi homagouleny mok.

Salamo 127:5

Hnahic hnen at ae hu tangen fana ae unöngöt gadrin: Adre me ca he ka hmehma, Ödra ka ûhnenamö me ta je iwahnaihmiöny mödra hnyi homagöule.

Salamo 129:2

Adre hia but osehia oveci nya hwân kʼ iny tiga hidröu; Kʼ ödra ca hwege bi huk.

Salamo 69:12

Adre me ûhnenamö gak tavat adre me laba hnyi homagöule; Kʼ adre sit hwanök hnen tavat ic grâg.

Salamo 9:13

Iehova lö, betenge ju gak; Wâ ju anyik vec ûnyi ge tavat adre me hûkötiö nya, U at ame kop nya goranyai ûnyi hnyi homagouleny mok;

Ta je Vejec 24:7

E ti gorany hmonyin metâ ka at ae monu: E ame ca hnyi ha hofuc hnyi homagöule.

Isaia 28:16

anyin a wale ame ha Than Iehova, ka habe, Wâ bi, inya oge me ip hnyi Ziona veto hnân taben, a veto adre cubec, vetoiny ban kopiny ae gan hwaban hnân taben ae hmâ: kʼ ame ca he ka he mweimwei at ame labageju kâu.

Isaia 28:6

me hnân hanuiny hna owisa ka at ame laba hnyi tap owisa, me hnân tang hwege kodra adre me ohmetuhmeto vat ûnyi hnyi homagöule.

Isaia 38:10

Oge me ha, ka habe, Hnyi jebigöiny bonguk je bong oge me he ka he ka hnyi homagouleny erkemok: Ke adre hûgûnö nya kolon je hunaik.

Isaia 54:17

E ba ûnyi adre ânyâ hnân vat möu ame he ka ton; ke haba ta je bohmen hia thithö tavat adre me he ka tot ka ivino möu hnyi hna owisa, u me he ka haikongoâ. Wale jekhon je athnyabai Iehova, me hwakecidra ae wisa ûnyi gak, haingö Iehova.

Jona 2:6

Oge û but ka hnyi je taben je bucen; E bi huk hmeledrany me je ohmâiny nyiele balua; Ke so bi, Iehovah Khonguk lö, u je hia but öliâ melik ûheny û hnyi thop.

Mataio 10:2

Ke walang ien ta je aposetolo a twelv, ka habe, A bö Simona, ke ien minya Peteru, ke Anederea liamekeiny mē, ke Iakobo nöku Zebedaio, ke Ioane liamekeiny mē;

Mataio 11:23

Ke haba u Kaperenauma, hawa, adre me he ka ogoranyi u ka hnyi drany? adre me he bi ka ohnyikönö u ka hnyi Hedis: anyin adre ne hia but ânyâ hnyi Sodoma ta je huliwa ae man adre me ânyâ unyâm, ame ne he ka tethmâ ke ne o but hnyi bong ang.

Mataio 18:17

Ke a ne höcö ling ödrin, ha thö ka ûkhacaköu: ke a ne höcö long ûkhacaköu, hna but e me me he ka helâ köu me Aten ke je hnyei, ke ta je telona.

Mataio 4:18

Ke e ame vheno hobat köiö Galilaia, ke e ame wâ li liamekeiny, jia Simona ke ien Peteru, me Anederea a keiny, ödru me thong ert eû hnyi köiö; anyin a ödru li at thut.

Mataio 7:24

Anyin a wale haba at ame long hok ta je hofuc ang, me mâdrâ, oge me he ka oûco e me at ae metâ, wale at ame otilâ umen uma hon kic:

Ioane 1:42

Ke e ame hom e kö Iesu. Haba Iesu ame wâ e, ke haingen, ka habe, U Simona a nöku Iona: adre me he ka hwenyi u, me Kefa, (bongon, Peteru).

Ta je huliwa 2:47

me oganâ Khong, ke ame betenge gadra tavat hia. Ke haba Than ame bi hanen kodra hnyi je bong tavat adre me he ka möt.

Ta je huliwa 20:28

Anyin a wale, o ʼbun âu, ke hnahat mamoe hia, wale hnen Hanu Kap hnaʼ otilʼ öbun he ka tuö, he ka hat ekalesia anyin Khong, waleji e ame ûco ge dren.

Ta je huliwa 8:1

KE Saulo minya ame ogâ anyin mok. Ke haba hnyi bong eling ame kû gan hmâ but hna ovecâ ekalesia hnyi Jerusalema; ke adre me vese hia but ka hnyi ta je ke keihen hnyei Juda me Samaria, ke hake je aposetolo thiju.

I. Korinito 15:55

Mok lö, ewa dokhom dokhu? Mok lö, ewa ûdö gam?

Galatia 2:9

ke haba Iakobo, me Kefa, me Ioane, je hnyat adre ha gadrin ka habe, je hmolom, ödrin e wâ ibetengiö baû adre ham könya, me adre me ham könya me Banaba je hnyam a metâiny tha hnyok, mʼ ohmu me he ka he ka Aten ke je hnyei, ke haba ödrin bi ka tavat adre peritomonâ;

Efeso 3:10

mʼ adre me he ka omanenâ walang ang ka ta je than me ta je musi hnyi je dok ethö hnyi drany, metâiny Khong ae ve bongon, a deny ekalesia,

Efeso 5:32

Ûnyi e ae iyong hmonyin: ke oge me ha ge Keriso me ekalesia.

Kolose 1:18

Ke e thibi ban unyin, wale ekalesia: e thibi can, atöiny tavat ûhedra hnyi hna mok; me me he ka beönua hon ta je ûnyi hia thithö.

I. Timoteo 3:15

ke iny ka bec, mʼ u me he ka wâhmakhmetoâ hwakecin ae ûcû ka tavat hnyi uma umen Khong, wale ekalesia anyin Khong ae möt, me hmolom me taben hnathu.

I. Timoteo 3:5

(anyin a ne ca khana at he ka muso anyin lap, me ame he ka hawa ka tuö ekalesia anyin Khong?)

Heberu 12:28

Anyin a wale, ate me kap dokhu ae ca khanʼ ödra he ka obwebwelâ, me so ate me he ka hu ibe-tengiö baû, mʼ ate me he ka ânyâ huliwa ame he Khong ka senyinâ, me ogânâ e me ot:

Hna Omanenâ 11:15

Ke adre tûâ trutru anyin angela a seveniny; me ame o je hwan hofuc ae gan hnyi drany, ame ha, ka habe, Haba dokhu dokhon hmeledrany, me adre hia but wia hnân hobi kâu Tuhöta me Keriso a anyin: me e ame he bi ka musi nyiele nyiele balua.

Hna Omanenâ 21:14

Ke twelv ta taben hak veto hnyi taun, ke haba hnyi je taben eling e hu je ien je aposetolo a twelv anyin Arenio.