Mataio 16:17 - Iaai Bible 1901 (New Caledonia)

¹⁷ Ke haba Iesu ame thu me ha kâu, ka habe, Hnâm hnahic Simona Bar-Jona: anyin a ca omanenâ bi köu hnen at, ke hnen bi Kamök ethö hnyi drany.

Mataio 16:17 ပူးပေါင်းရင်းမြစ်များ

Isaia 54:13

Ke ame he Iehova ka nâ lakom hia; ke ame he ka gan hnahic anyin lakom.

Luka 22:32

ke oge me hic hobi köu, me me ca he bi lea hia ânyâm labageju: ke u ka hmetu thö, sihwegiâ je liamekeiny möu.

Ioane 1:42

Ke e ame hom e kö Iesu. Haba Iesu ame wâ e, ke haingen, ka habe, U Simona a nöku Iona: adre me he ka hwenyi u, me Kefa, (bongon, Peteru).

Ioane 6:45

Adre me sihnalimen hnyi tusi anyin je perofeta, ka habe, Ame he Khong ka nʼ ödra hia. Ke haba tavat hia adre me long ûnyi ge Kamen, kʼ adre me ûne bi, me adre me he ka o könya.

I. Korinito 15:50

Hnyat me lakeiny, oge me ha, ka habe, e ca khana viny me dren he ka hu dokhu dokhon Khong; ke ca khana minya bobot he ka hu hna ca bobot bi.

Galatia 1:16

he ka omanenâ Nokon eû hnyik mʼ inye he ka khetâ e ka Aten ke je hnyei; oge ca ie ûhnenamö me at:

Efeso 2:8

anyin adre hia but omeli öbun hnen ibetengiö baû a deny labageju; ke habe e, me ca ûnyi gabun: ke bwihlany anyin Khong:

Efeso 3:5

waleji adre ca omanenâ ka tavat hnyi ta je dö adrem, helâ me hnödra hna omanenâ kohmun walang ang a je aposetolo ae kap, me ta je perofeta ûnyi ge Hanu;

Efeso 6:12

Anyin ate me ca ûsöu bi me at, ke ta je musi bi, me ta je man, me ta je tuhan hmeledrany eang ae menekholom, me ta je hanu ae kong hnyi ta je dok ethö hnyi drany.

Heberu 2:14

Ke haba lakon, me adre me khaûʼ ödra ge viny me dren, awe, helâe minya e ame munyi helâe; me me he ka ohia hnen mok at ae tren maniny mok, wale diabolo;

I. Peteru 5:1

INYA oge me sihwegiâ wahingat unyibun, inya minya ang ke hingat, me at ohnatho je vec anyin Keriso, me at ame he ka hnyi hu hmanenang ame he ka manen:

I. Ioane 4:15

Haba at ame he ka ha, ka habe, Iesu Nokon Khong, me Khong ame laba eû hnyin, ke e bi eû hnyi hnyekon.

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.