Mataio 16:16 - Iaai Bible 1901 (New Caledonia)

¹⁶ Haba Simona Peteru ame thu me ha, ka habe, U thibi Keriso a Nokon Khong ae möt.

Mataio 16:16 ပူးပေါင်းရင်းမြစ်များ

Salamo 2:7

Oge me he ka omanenâ hnanyibu: Haingö Iehova könya, ka habe, U thibi nokuk; Oge hnöku u hnyi bong ang.

Salamo 42:2

E beic hanuk ka Khong, ka Khong ae möt: Ie ûen oge me he ka o me manen hnyin hnyi hnyimakan Khong?

Daniela 6:26

Inya oge me otilâ hnanyibu, ka habe, haba hnyi ta je ke keihen hia dökhuk dokhu, me hamen tavat he ka ot me öbubuny hnyi hnyimakan Khongu Daniela: anyin a e Khong ae möt, kʼ ame tethmâ nyiele balua, ke adre me ca he bi ka ohia dokhon dokhu, ke hamen bi he ka musi ke ne o but hnyi obiny:

Mataio 1:16

Jekob ame hnöku Josefa öiö Mana, momo ame hnöku Iesu, adre me hwenyi ien Keriso.

Mataio 14:33

Ke haba aten hu ödrin e khudrung kâu, me ha, ka habe, E hnathu u thibi Nokon Khong.

Mataio 16:15

Ke haingen ködrin, ka habe, Ke haba ifucibun gak, mʼ iny ia?

Mataio 26:63

Ke baba Iesu ame laba hnyibû, Me haba at bihut ae nua ame ha kâu, ka habe, Inya oge me hûna hwegiâ köu ge Khong ae möt, mʼ u me he ka ha kohmun, ka habe, U thibi Keriso a Nokon Khong, hawa?

Mataio 27:54

Ke haba keneturio, me tavat minya unyin, wale hnyat adre me tuö Iesu, ödrin e wâ hwiöi, ke ta je ûnyi adre me ânyâ, me ödrin e ot gan hmâ, me ha, ka habe, E hnathu Nokon Khong at ang.

Mataio 4:3

Me ame o but kâu at ame ûcûbic, me ha, ka habe, U je ne Nokon Khong, ha thö, me me areto but je veto ang.

Mareko 14:61

Ke e ame laba hnyibû, me ca thu bi. Me ame hnö hmetu e hnen taben tavat bihut ae nua me ha kâu, ka habe, U Keriso, Nokon At adre Ogânâ?

Luka 2:11

anyin adre hnokoâ hobi köbun hnyi bong ang hnyi taun anyi Davita, At ûhomeli, wale Keriso a Than.

Ioane 1:49

Haba Nathaniela ame thu kâu, ka habe, Kabi, u thibi Nokon Khong; u thibi Than Isaraela.

Ioane 11:27

Haingen ame ha kâu, ka habe, Eke Than, inya oge hia but kap a u thibi Keriso a Nokon Khong, ame he ka o eang hmeledrany.

Ioane 20:31

ke adre hia but sihnalimen ta je ûnyi e me öbun e he bi ka labagejon a Nokon Khong Iesu Keriso: ke ûnyi ge hnobun hna labageju me ame he ka ha möt köbun ûnyi hnyi ien bi.

Ioane 6:57

Haba Kamen ae möt ame kunö nya, ke inya oge möt ûnyi ge Kamen; ke helâe ge at ame he ka han unyik, e ame he ka möt ûnyi gak.

Ioane 6:68

Haba Simona Peteru ame thu kâu, ka habe, Than lö, ohmun e he ka he ko ia? e thibi gam je hofucin möt ame ca ba balua.

Ioane 6:69

Ke ohmun e hia but labageju me wâhmakhmeto a u thibi At ae Kap anyin Khong.

Ta je huliwa 14:15

ka habe, je than lö, ieû gabun öbun e ânyâ je ûnyi e? Ohmu li at ang helâ me öbun, öhme hom köbun ûthumetu ae so, mʼ öbun e he ka hna degecâ ta je ûnyi e ae ûuyi baû, me hwio ka Khong ae möt, at a op drany me hmeledrany me köiö, me ta je ûnyi hia hnyin:

Ta je huliwa 8:36

Ödru me tiga he eû hnyi gethen, me ödru me o but ka hnyi ke an; me ame ha eunuka ka habe, Walejo an; hawa, e kong he ka bapataisoi nya?

Ta je huliwa 9:20

Ke e ame ie kheti Iesu hnyi je sunago, a e thibi Nokon Khong.

Roma 1:4

ke adre me haimemenâ e thibi Nokon Khong tha e me man ûnyi ge hanon hwakecin ae kap, hnen nnöt hmetu ûnyi hnyi hna mok; wale Iesu Keriso a Tuhöta,

II. Korinito 1:19

Anyin a haba Nokon Khong, a Iesu Keriso, waleji öhmun e khetâ köbun, a inya me Silevana, me Timoteo, me ca eke, me e ba, ke ûnyi gan bi, ka habe, eke.

II. Korinito 3:3

anyin ae manen a öbun ang tusi anyin Keriso, öhmun e huliwan, adre ca set ge köiö sisit, ke hnen bi Hanon Khong ae möt; ke adre ca set hnyi je veto, ke so bi hnyi je viny hnyok.

II. Korinito 6:16

Ke ame he ka kâmâu ka tha bongon uma umen Khong me ta je hnatheat? anyin a öta ang uma umen Khong ae möt; helâ me hna ha hnen Khong, ka habe, Oge me he ka laba eû hnyidra, me tha he mödra; ke oge me he bi nya ka Khongudrin, ke adre me he bi ka lakeik.

Deuteronomi 5:26

Anyin a ewa at unyin tavat hia ame löng hwan Khong ae möt ame fuc hnyin meic helâ me hnöhmun hna löng, kʼ ame möt bi?

I. Thesalonika 1:9

Anyin a ödra bi adre me haimemenʼ öhmun je bongon ioihmun köbun; me hnobun hna hwio ka Khong ûnyi ge ta je hnatheat, he ka bi athnyaba ka Khong ae möt me hnathu,

I. Timoteo 3:15

ke iny ka bec, mʼ u me he ka wâhmakhmetoâ hwakecin ae ûcû ka tavat hnyi uma umen Khong, wale ekalesia anyin Khong ae möt, me hmolom me taben hnathu.

I. Timoteo 4:10

Anyin a wale ate me huliwa me hwege, anyin ate me geju ka Khong ae möt, wale At ame omelö tavat hia thithö, ke beönua ka tavat labageju.

Heberu 10:31

Hnân outen hmonyin he ka ta ka hnyi li hnyamen Khong ae möt.

Heberu 12:22

ke so bi, öbun e o but ka hnyi bucen Ziona, ke ka hnyi taun anyin Khong ae möt, wale Jerusalemainy drany, ke ka ta je angela a ca hnân aû,

Heberu 3:12

Öbun âu hnyat me lakeiny lö, wâ e nye hu eû hnyin ke at gabun hnyok ae kong me ca labageju, ame oûsâkâûʼ öbun me Khong ae möt:

Heberu 9:14

awe, e ca beönua bi dren Keriso, waleji a hamen hudo e bi, ae ba hnyikongon, ka Khong, ûnyi ge Hanu a e balua bi, he ka obosoâ anyibun ûnykûm sa hnyi ta je huliwa ae mekiny mʼ öbun e he ka huliwa ka Khong ae mötî

I. Ioane 4:15

Haba at ame he ka ha, ka habe, Iesu Nokon Khong, me Khong ame laba eû hnyin, ke e bi eû hnyi hnyekon.

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.

I. Ioane 5:5

Anyin a ie at ae hwege hon hmeledrany, hawa ca at bi ame kap a Nokon Khong thibi Iesu Keriso?

Hna Omanenâ 7:2

Ke inya oge me wâ ke angela ame o jimeyö, ke e unyin hna ohmâ haten anyin Khong ae möt: ke e ame hongot ge ifucin ae gan ka je angela a vak waleji adre ham ködrin he ka okongo hmeledrany me köiö,