Mataio 16:13 - Iaai Bible 1901 (New Caledonia)

¹³ Ke ame o but Iesu hnyi ke keihen hnyei Kaisaria Filipi, me e ame hnö laten, ka habe, Haba ifucin tavat ge Nokon at, me ia?

Mataio 16:13 ပူးပေါင်းရင်းမြစ်များ

Daniela 7:13

Ke oge me wâ je hna omanenâ hnyi lit, ke wâ bi, ame tha o me je ûlâiny drany, at helâ me nokon at, ke e ame o ka hingat kâû adrem, mʼ adre me hom e ka hnyi hnyimakan.

Mataio 12:32

Ke haba at ame he ka haikongoâ Nokon at, me adre me he ka hna degecâ e; ke haba at ame he ka haikongoâ Hanu Kap, me adre me ca he ka thang degecâ e hnyi möt ang, ke ba minya hnyi möt ame he ka o.

Mataio 12:40

anyin a Jona ame laba hnyi hnyin wâ ae gan kun ta lany ke kun ta lit: helâe ame he Nokon at ka laba hnyi hnyin kânâ kun ta lany ke kun ta lit.

Mataio 12:8

Anyin a Nokon at a tuhan sabath.

Mataio 13:37

Me e ame thu ködrin, me ha, ka habe, Haba at ame tā wan ae so, me wale Nokon at;

Mataio 13:41

Ame he Nokon at ka kunâ anyin ta je angela, mʼ ödrin e he ka ûkhöûnâ ûnyi hnyi dokhon dökhu ta je ûnyi hia adre me bi jöniny, ke tavat adre me ânyâ hulö,

Mataio 15:21

Haba Iesu ame hna but dok e, me he ka hnyi ke keihen Turo me Sidona.

Mataio 16:27

Anyin ame he ka o thö Nokon at hnyi hmanenanginy Kamen, tha e me anyin ta je angela, me e ame he ka ve ham ka tavat hia thitliö e ûcû me anyidra ta je huliwa.

Mataio 16:28

E hnathu, inya oge me ha köbun, haba keihen gadra adre me tot eang, adre me ca he bi ka mok, ke ne o but adre me wâ Nokon at ame he ka o hnyi dokhon dökhu.

Mataio 25:31

Ke e ka o but Nokon at hnyi anyin hmanenang tha e me anyin ta je angela hia thithö, me e ame he ka laba hon theroniny anyin hmanenang:

Mataio 8:20

Ke haba Iesu ame ha kâu, ka habe, Haba ta je alope, me hu hnödra hnyi kânâ, ke haba ta je meno ame ga ethö, me hu haûödra; ke haba bi Nokon at, me ba hnân omokulec ban hnyin.

Mataio 9:6

Ke so bi möbun e he ka wâ ae tren man Nokon at eang hmeledrany he ka thang ta je hulö (me e ame ha ka at ae mat, ka habe) Todrö, hom minya thö hnâm me he thö ka hnyi umâm uma.

Mareko 10:45

Anyin e hnathu ame ca o Nokon at mʼ adre me huliwa kâu, ke so bi he ka hamen bi athnyaba, me ham anyin möt hnân hwaban möt anyin tavat ae se hia.

Mareko 8:38

Haba at ame he ka hmehma gak me hok ta je hofuc hnyi dö ang, a dö bi ûnyi monu, kʼ ame ânyâ ta je hulö, me ame he bi Nokon at ka hmehma gan hnyi ûen e ame tha o me ta je angela ae kap hnyi hmanenanginy Kamen.

Ioane 1:51

Ke e ame ha kâu, ka habe, E hnathu, e hnathu, inya oge me ha köbun, ka habe, Öbun e he bi ka wâ drany adre khong, me ta je angela anyin Khong adre me he ka ölö thö me utut hon Nokon at.

Ioane 12:34

Haba tavat ae se hia adre me thu kâu, ka habe, Ohmun e long ut ûnyi hnyi hnanyibu a gʼ ame he ka tethmâ Keriso nyiele balua: ieû gam u me ha a ga ûcû he ka ogöranyâ Nokon at? ia Nokon at eling?

Ioane 3:14

Haba Mose ame ogöranyâ on hnyi hnyebuba, ke helâe adre me he ka ogöranyâ Nokon at:

Ioane 5:27

ke e ame ham minya kâu man he ka hnei, anyin a e Nokon at.

Ta je huliwa 10:38

wale Iseu at Nazareta, ke haba Khong ame hû e hnen Hanu Kap me man; ke e ame labö vheno hnyei he kâ betenge ge at, me osoâ tavat ame oveci ödra diabolo; anyin a tha mē Khong.

Ta je huliwa 7:56

me haingen, ka habe, Wâ bi, inya oge me wâ drany adre khong, me Nokon at ame tot hnyi ke keihen a metân Khong.