Mataio 15:4 - Iaai Bible 1901 (New Caledonia)

⁴ Anyin a Khong ame ha, ka habe, Ogânâ kâmâm me hinyâm: ke, Haba at ame haikongoâ kamen me hinyen, e hnathu e ame he ka mok.

Mataio 15:4 ပူးပေါင်းရင်းမြစ်များ

Esodo 20:12

Ogânâ thö kâmâm me hinyâm me me se hia bongom je bong hnyi hnyei ame he Iehova a Khongom ka ham köu.

Esodo 21:17

Kaba at ame hangâ kamen me hinyen adre me he ka hlingâ e.

Ta je Vejec 20:20

Haba at ame hangâ kamen me hinyen, Me adre me he ka ume anyin lamepa hnyi wanben menekholom.

Ta je Vejec 23:22

Long ju ka kâmâm at a hnöku u, Ke ca hûkötö ge hinyâm e ka somaca but.

Ta je Vejec 30:17

Haba ecmak at ame hlumâ kamen, Ke höcö long hinyen, Me ame he je orebainy hnyigöulen bucen ka ûâ e, Kʼ ame he je lakon aeto ka an e.

Isaia 8:20

Kec do ka hnyi hnanyibu me hna ohnatho! adre me ne ca fuc hoton hwan hofuc eling me ame he ka ba hnyomakatu hobi kodra.

Levitiko 19:3

Öbun e he ka ve outen je lahinyöbun, me je lakamöbun, me tuö anyik je sabath: Inya Iehova Khongubun.

Levitiko 20:9

Ke haba at ame hangâ kâmen me hinyen, adre me he ka hlingâ e: e hia but hangâ kamen ame ne hinyen; ame he ka takoû e ge dren bi.

Mataio 15:3

Me e ame thu me ha ködrin ka habe, Ieû gabun öbun e hanyâûâ minya hnanyibu anyin Khong ge hnobun hna ûne?

Mataio 15:5

Ke haingöbun, ka habe, Haba at ame he ka ha ka kamen me hinyen, ka habe, E kap bi anyik ta je ûnyi hnân hadruʼ öbu;

Mataio 19:19

Ogânâ kâmâm me hinyâm: ke, U me he ka betenge ge at ame laba hakekenyi u helâ me u bi.

Mataio 4:10

Ke haba Iesu ame ha kâu, ka habe, Satana lö, kec dö: anyin adre hia but sihnalimen, ka habe, U ma he ka khudrung ka Than a Khongom, me bi athnyabainy thibi.

Roma 3:31

Hawa, ate me he ka oûnyibâûâ hnanyibu hnen labageju! Ohe; ke so bi ate me otilâ hmâ hnanyibu.

Efeso 6:1

JE wanakat lö, long ju hoton lakamöbun me lahinyöbun hnyi Than: anyin a wale Wisa.

Deuteronomi 27:16

Hnaûhangö at ame ca oûnyihnatho kamen me hinyen. Kʼ ame he tavat hia ka ha, ka habe, Amen.

Deuteronomi 5:16

Ogânâ thö kâmâm me hinyâm, helâ me Iehova Khongom ame hûna köu, me me se hia je bongom, mʼ u me so hnyi hnyei Iehova ame ham köu.