Mataio 15:31 - Iaai Bible 1901 (New Caledonia)

³¹ me me lâiâ tavat ae se hia, hnyi ûen adre me wâ ta je hum adre me fuc, me je bâbu adre me so but, me je mat adre me he: me adre me ogânâ Khongon Isaraela.

Mataio 15:31 ပူးပေါင်းရင်းမြစ်များ

Genese 32:28

Me e ame ha, ka habe, adre me ca he hmetu ka hao u Jekob, ke Isaraela bi: anyin a u je hia but nâ hwegiâm me Khong me tavat, ke ne u hwege.

Genese 33:20

Ke e ame otilâ taben hut, me hwenyi ien e El-eloe-Isaraela.

Salamo 50:15

Ke hao nya thö hnyi bonginy vec; Oge me he ka omeli u, ke ume he ka oganö nya.

Salamo 50:23

Haba tavat hia adre me hudo ole, me adre me oganö nya; Ke oge me he ka omanenâ ûhomeli anyin Khong Ka at ame penapena deny gethen.

Esodo 24:10

ke odrin e wa Khongon at Isaraela; ke eû hnyi hmelen li can helâ me dek veto a safairo, ke helâ me drany ae alai.

Mataio 15:30

Me ame o but kâu tavat ae se hia, tha ödra me ta je mat, me ta je wadröu, me ta je hum, me ta je bâbu, me keihen tavat ae se hia minya, me adre me khûʼ ödra ka hnyi hmelen li can; me e ame omeli ödra:

Mataio 18:8

A ne bi jönâm hnyamâm a metâm, subâ degecâ but gam: e so köu he ka didro ka hnyi möt a u bâbu ke mat, hon he ka tha hu li hnyamâm ke li cam, ke adre me he ka khûö u ka hnyi meic ame ca mok balua.

Mataio 21:14

Ke ame o but kâu ta je wadröu me ta je mat hnyi uma kap; me e ame omeli ödra.

Mataio 8:10

A long ut Iesu, me e ame lâiâ, me ha ka tavat adre me he hoton, ka habe, E hnathu, inya oge me ha köbun, inya oge me ca wâ hnyi Isaraela labageju ae gan a helâe.

Mataio 9:32

Ke ödru me tiga didrut, wâ bi adre me hom kâu ke at ae hum a delec demoni.

Mataio 9:33

Ke a hia but obâ demoni me ame fuc dö hum: haba tavat ae se hia adre me lâiâ me ha, ka habe, Adre me ca wâ balua ehac helâe hnyi Isaraela.

Mataio 9:8

Ke ame wâ e hnen tavat ae se hia, me adre me lâiâ me ogânâ Khong, wale at ame ham man a helâe ka at.

Mareko 2:12

Me e ame todrö me hom dö hnen, me didrut hnyi hnyimakodra hia; me adre me lâiâ me ogânâ Khong, me ha, ka habe, Ate me ca wâ bala hwakecin helâng.

Mareko 7:37

Me adre me lâiâ gan hmâ, me ha, ka habe, E so hnen hna ânyâ hia: e ame olöngâ ta je wejiji, me ofucâ ta je hum.

Mareko 9:43

Ke a ne bi jönâm hnyamâm, suba degecâ but: anyin ae so köu he ka dit ka hnyi möt, ke hia hnyamâm, hon he ka dit me li hnyamâm hnyi gena, ka hnyi meic ame ca mok.

Luka 14:13

Ke u ka he ka ânyâ bijeû, hawâ thö je theduoc, me ta je bâbu, me ta je mat, me ta je wadröu:

Luka 14:21

Me ame o but athnyaba, me omanenâ ta je ûnyi eling ka tuhan. Me ame hmonyin tuhan uma, me ha ka athnyabainy, ka habe, Ie he bi thö ka hnyi je gethen me je hna ngenu hnyi taun, ke hawâ thö jem ta je theduoc, me ta je bâbu, me ta je wadröu, me ta je mat.

Luka 18:43

Me e ame ie bwela but, me he hoton, me haisoâ Khong: ke a wâ but e hnen tavat hia, me adre me olungâ Khong.

Luka 7:16

Me ame o kodra hia ot ae gan hmâ: ke adre me ogânâ Khong, me ha, ka habe, A o but ang unyita perofeta ae gan hmâ: ke, Khong ame senâ lakeiny.

Ioane 9:24

Me adre me olo hawâ at ae wadröu, me ha kâu, ka habe, Ogânâ Khong, anyin a ohmun e wâ but ae monu at ang.