Mataio 15:27 - Iaai Bible 1901 (New Caledonia)

²⁷ Ke haingen momo ame ha, ka habe, Eke Than: anyin a haba je kuli adre me labö an je kolon ame kolu ûnyi hnyi hon laulau anyin tuhödrin.

Mataio 15:27 ပူးပေါင်းရင်းမြစ်များ

Genese 32:10

e ca ûcû nya at ae ûhnyûkong hnyi je ibetengiö hia, me hnathu hia, waleji u je omanenâ ka athnyabaem; anyin oge hanyâûâ Joridano eang me anyik uci; ke walang ang lo but anyik li bunyen.

Ezekiela 16:63

mʼ u me he ka ûnykûme, me hlohlo, me ca he hmetu ka fuc, can ânyâm hmehma; iny ka hia but thang degecâ hnâm hna ânyâ hia thithö, haingen Than Iehova.

Daniela 9:18

Khonguk lö, tevehlöng ju me löng; hmak dö me wâ a ga ba but wan gahmun, me taun waleji adre wenyö kâu iâm: anyin a öhmun e ip anyihmun je khöû hnyi hnyimâkâm, ca anyin a öhmun wisa, ke ûnyi hnyi ânyâm ta je betenge ae gan hmâ.

Mataio 15:26

Ke e ame thu, ka habe, E ca so bi he ka hom jeû an je lakon, me khûâ ka ta je kuli.

Mataio 15:28

Me haba Iesu ame thu me ha ka momo ka habe, Momo lö, e gan hmâ ânyâm labageju: e so he ka e köu helâ me hnâm hna wem. Me ame möt ut nokon hlu cicö ûen eling.

Mataio 5:45

mʼ öbun e he bi ka lakon Kamöbun ethö hnyi drany: anyin a e ame oâ anyin seûno hon tavat ae kong me tavat ae so, kʼ ame kunâ we ka tavat ae wisa me tavat ae ca wisa bi.

Mataio 8:8

Haba keneturio ame thu me ha kâu, ka habe, Taböny Than, iny ca ûcû mʼ u me he ka dit ka hnyi umök uma: ke so bi u me he ka ha thibi ke hofuc, me me he ka möt ut athnyabaik.

Mareko 7:28

Ke haba momo ame thu kâu, ka habe, Eke, Than lö: haba je kuli adre me labö an hmelen laulau je kolon jeû an lakon.

Luka 16:21

ke e ame weny he ka an je kolon ame kölu ûnyi hnyi hon laulau anyin at ae tren omjeû; eke, ame labö o ta je kuli he ka drem hnân ta je anyû.

Luka 18:13

Ke haba telona ame tot sâkâû, e ame ca mē bwele bi hnyi drany ai, ke e ame khaû ûlainy me ha, ka habe, Khong lö, betenge ju gak at ae monu,

Roma 10:12

Anyin a ca ke bongon bi at Juda me at Heleni: anyin a khaca thibi Tuhan hia, at ae tren ta je ûnyi hobi kâu tavat hia adre me hawâ e:

Roma 3:19

Ke e khanʼ öta a haba ta je ûnyi adre ha hnyi hnanyibu, me adre me ha ka tavat adre me laba hmelen hnanyibu; me me he ka ohnyibö ta je hnyem hia, mʼ adre me he ka ohnaûhangoâ hmeledrany hia thi-thö ûnyi ge Khong:

Roma 3:29

Hawa, e Khongon at Juda thibi? ke ca Khongon Aten minya bi ta je hnyei? Eke, me Aten ta je hnyei minya:

Roma 3:4

Ohe; eja ke ne a ne thoi tavat hia, me so e me hnathu bala bi Khong; helâ me hna sihnalimen, ka habe, Mʼ u me he ka wisa hnyi hwâm ta je hofuc Me tom, at ka he ka hnei u.

Efeso 3:19

me he ka khanʼ öbun ibetengiö anyin Keriso ae beönua eling hon metâ, me me he ka ounö-ngöti öbun hnen Khong.

Efeso 3:8

Ke haba ibetengiö baû eang adre ham könya, wale at ae ûhnyûkong hmonyin hmelen tavat ae ûhnyûkong hnyi wakap hia, me inye he ka khetâ ka Aten ta je hnyei tang omjehen Keriso, ae ca hnân ha bi ûganiny;