Mataio 15:14 - Iaai Bible 1901 (New Caledonia)

¹⁴ Hnʼ ödra but: ödra je hnyat kû gethen kʼ ödra wadröu. Ke a ne lelö wadröu ge ke wadröu, ödru me he ka tha ta eû hnyi hmonop.

Mataio 15:14 ပူးပေါင်းရင်းမြစ်များ

Isaia 31:3

Ke ta je at thibi at Aigupito, ke ca Khong bi; ke je viny haledra je hors, ke ca je hanu bi; ke e ka he Iehova ka hai hnyamen, me ame he ka tha ta, a at ame hadruâ me at hok ûhadruo, mʼ ödru me he ka tha hia! but.

Isaia 42:19

Ie wadröu, wale athnyabaik? me ie wejiji helâ me anyik ûthumetu oge me kunâ? ie wadröu helâ ma at ame ûsoköu mönya? ke wadröu helâ me athnyabai Iehova?

Isaia 56:10

E wadröu but tavat tue unyin, ödra tavat hia thithö ae ca metâ bi; ödra je kuli hia thithö ae hum, e ca khanʼ ödra, kuku; a tavat bwi, me leleû, tavat bemokot.

Isaia 9:16

Anyin a haba tavat adre me su tavat ang, me wale tavat omonu ödra; ke adre me ohi ödra a tavat he hotudrin.

Jeremia 5:31

je perofeta adre me profeta thoi, ke haba tavat bihut me adre me musi ûnyi gadra bi; ke adre me weny helâe hnen lakeik: ke ieû öbun e he ka ânyâ hnyi obiny e?

Jeremia 6:15

Hawa, ödra hmehma can ta je ûnyi ae ikiki adre me ânyâ? e ba, ke ba ong hmehma gadra, ke ca khanʼ ödra hmehma: anyin a wale adre me he ka tha ta me tavat adre me ta: hnyi ûen oge me he ka senʼ ödra adre me he ka haû, haingö Iehova.

Jeremia 8:12

Hawa, adre me hmehma hwaban hnödra hna ânyâ ûnyi ae ikiki? e ba, ödra ca hmehma bi, ke ca khanʼ ödra bi he ka hmehma: anyin a wale adre me he ka tha ta me tavat adre me ta: hnyi ûen adre me senʼ ödra, adre me he ka haû, haingö Iehova.

Hosea 4:17

Ke Eferaima ame ûkhacaköu me je idola; hna but e.

Malaki 2:8

Ke öbun e saû but ûnyi hnyi gethen; öbun e hia but ohavâ tavat ae se hia hnyi hnanyibu; öbun e hia but okongoâ ûhihinyköu anyi Levi, haingö Iehova tuhan sabaoth.

Luka 6:39

Ke e ame ha ûhöûcû kodra, ka habe, Hawa, e khana wadröu he ka lelö ke wadröu? ödru me ca he ka tha ta ka hnyi hmonop?

Ioane 9:39

Haingö Iesu, ka habe, Oge o but eang hmeledrany he ka owisa, me me bwela but tavat adre me ca hnyi bwela; me me ca bwela bi tavat adre me bwela.

I. Timoteo 6:5

me ta je ûö hwege anyin tavat adre me hnyokâ hulo ke ca hu bi hnathu gadra, ke adre me ûnykûme, ka habe, haba hwakecin outen Khong me wale deny he ka hu kodra tang omjeû.

II. Peteru 2:1

KE ame o thö minya ta je perofeta thoi ehac unyin tavat, ke helâe ame he ka hu tavat ûne thoi unyibun, tavat adre me he ka okûâ duöngâ ta je imouköu ae hnaûhango, me he ka ivinoâ Than at ame ûcû ödra, adre me okûâ kodra bi hnaûhango ae logot.

II. Peteru 2:17

Ödra je hna pupua köiö ae hme, ke ta je hai ame oûang dö; adre hia but ip hobi kodra lit ae menekholom.

Hna Omanenâ 19:20

Me adre me kât meno ae hiny; me perofeta thoi minya waleji at ame ânyâ ta je haten hnyi hnyimakan, hnân omono tavat adre me kap haten meno, mʼ ödra minya adre me khudrung ka at ae we e: ke adre me khûʼ ödru meli ödru ka hnyi nem a meic ame hiâ ge teio:

Hna Omanenâ 22:15

Eû hnyi hoton ta je kuli, me tavat tren khong, me tavat bi ûnyi monu, me tavat ûhlingö, me tavat adre me hmi ka je hnatheat, me tavat hia adre me weny me mâdrâ thoi.