Mataio 14:31 - Iaai Bible 1901 (New Caledonia)

³¹ Me Iesu ame ie hinôbeny me kât e, me ha kâu, ka habe, At ame labageju ûhnyûkong lö, ieû gam u me hlohlo?

Mataio 14:31 ပူးပေါင်းရင်းမြစ်များ

Genese 22:14

Ke Aberahama ame hwenyi ien dok e, ka habe, Iehova-irae: helâ me hnödra hna labö ha ke ne o but hnyi bong ang, ka habe, Adre me he ka penapena e hnyi bucen anyi Iehova.

Salamo 138:7

Eja ke ne oge ne he hnyi wanben vec, u me he ka omeli nya: U me he ka hai hnyamâm hon hmönyin anyin je iwahnaihmiony mönya, Kʼ ame he hnyamâm a metâm ka omeli nya.

Isaia 63:12

At ame su ödra ge benyen ae hmanenang tha e me hnyam a metö Mose? at ame subâ luâ köiö hnyi hnyimakodra, me wia hobi kâu bi ien a nyiele balua?

Mataio 14:30

Ke e ame wâ ang, me e ame ot; ke e ame hwân he ka û, me e ame kuku me ha, ka habe, Than lö, omeli nya.

Mataio 14:32

Ke ödru me ölö thö ka hnyi hon hu, me ame ta but hau.

Mataio 16:8

Haba Iesu ame wâhmakhmeto, me e ame ha, ka habe, Öbun hnyat labageju ûhnyûkong lö, ieû gabun öbun e ûhnenamököuâ anyin ae ba areto?

Mataio 17:20

Me e ame ha ködrin, ka habe, Anyin ae ûhnyûkong anyibun labageju: anyin e hnathu inya oge me ha köbun, ka habe, a ne hu gabun labageju helâ me wan sinapi, me öbun e he ka ha ka bucen ang, ka habe, Kec dö kâe; me ame he ka kec; ke ba ke ûnyi ame he ka pason köbun.

Mataio 6:30

Ke a ne khavâ Khong hnyot helâe a e hnyi bong ang, ke nyi adre me he ka khûâ but ka hnyi wahnainyâ, hawa, e ca ûnyi hnathu kâu he ka khaûʼ öbun, öbun hnyat a labageju ûhnyûkong?

Mataio 8:26

Me e ame ha ködrin, ka habe, Ieû gabun öbun e ot hnyat labageju ûhnyûkong? Me e ame todrö, me thawâ ang me köiö; me ame ta but hau ae gan hmâ.

Mareko 1:31

me e ame he me kât hnyamen momo, me otilâ; me ame ie hia but kahwa, me e ame huliwa ködrin.

Mareko 1:41

Me e ame hnyok kâu, me hinôbeny me kâlâ e, me ha, ka habe, E bewek; u ma so but.

Mareko 11:23

E hnathu inya oge me ha köbun, ka habe, haba at ame he ka ha ka bucen ang, ka habe, Kec dö, me u me he ka ta but eû hnyi köiö; kʼ ama ca hlohlo bi hnyi hnyekon, kʼ ama labageju a ame he ka hwâdâ hnen hna ha; awe, e ame he ka hu e.

Mareko 16:7

Ke he thʼ öbun ka ha ka laten me Peteru minya, ka habe, A bân dut Galilaia ai ke bilibun biju: öbun e he ka iouny eling më, helâji me hnen hna ha köbun.

Mareko 4:40

Me e ame ha ködrin, ka habe, Ieû gabun öbun e ot? Hawa, e tiga ca hu gabun labageju?

Mareko 5:41

E ame hom hnyamen wanakat me ha kâu, ka habe, Talitha kumi; bongon, Hlu lö, inya oge me ha köu, ka habe, Todrö.

Luka 24:34

ke haingödrin, ka habe, E hnathu a möt hmetu thö Than, ke a manen dut kö Simona.

Ta je huliwa 4:30

ke u je lau hnyamâm he ka osoâ; mʼ adre me he ka ânyâ ta je ûöman me ta je haten hnyi ien Atâm ae kap a Iesu.

Deuteronomi 32:36

Anyin ame he Iehova ka owisa lakeiny, Me ietra can lathnyabainy; E ka wâ ae ba manidrin man, Ke ba kolon, a hnyat adre ca, ke hnyat adre hna.

I. Timoteo 2:8

Anyin a wale inya oge me wek e me he obaga ka hic hnyi ta je dok hia, me ogöranyâ je hnyam ae ba hnyikongon, me ca û, me ca iwatretra.

I. Peteru 1:5

kʼ adre me tuʼ öbun hnen man maniny Khong deny labageju ka hnyi möt adre me penapena he ka omanenâ hnyi ûen a biliny.