Mataio 14:19 - Iaai Bible 1901 (New Caledonia)

¹⁹ Ke ame hûna ka tavat ae se hia he ka laba hnyi hna önying; ke e ame hom je areto a thabûng ke li wâ, kʼ ame bwele hnyi drany ai me oleâ, me thuthu, me ham je areto ka laten, ke laten ka tavat ae se hia.

Mataio 14:19 ပူးပေါင်းရင်းမြစ်များ

Mataio 14:18

Me e ame ha, ka habe, Hö jem.

Mareko 6:39

Ke e ame hûna a gʼ adre me he ka laba hia hnyi je deo lap hon hnaonying ae but.

Mareko 6:41

Ke e ame hom je areto a thabûng, me li wâ, me bwele hnyi drany ai, me oleâ, me thuthu je areto; me e ame ham ka laten, mʼ ödrin e he ka ip hnyi hnyimakodra; ke e ame khenâ li wâ kodra hia.

Mareko 7:34

ke e ame bwele thö hnyi drany ai, me mâng, me ha kâu, ka habe, Efatha, haba bongon, khong ut.

Luka 22:17

Ke e ame kap utkaia, kʼ ame oleâ, ke haingen, ka habe, Hom dö ang me ve khenâ thö unyibun:

Luka 22:19

Ke e ame hom areto, kʼ ame oleâ, me thuthu, me ham ködrin, haingen, ka habe, Walang unyik adre me ham hobi köbun: ânyâ thö ang hnân ûnykûme könya.

Luka 24:30

Ke e ame tha laba mödru he ka han, me e ame hom areto, me oleâ, me thuthu me ham ködru.

Luka 9:14

Anyin a helâ me faiv thauzan obaga. Ke e ame ha ka laten, ka habe, Olabʼ ödra ju helâ me ûsa fifite.

Luka 9:16

Ke e ame hom je areto a thabûng me li wâ, me bwela hnyi dranyai, me oleâ, me thuthu, me ham ka laten he ka ip hnyi hnyimakan tavat.

Ioane 11:41

Me adre me hom but veto. Ke haba Iesu ame bwele thö görany ai me ha, ka habe, Cica lö, inya oge me ole köu anyin a u me ling nya.

Ioane 6:23

(ke so bi ame khop dö ke je ong galu ûheny Tiberia hakekeny ka hnyi dok adre me han hnyin hwaban hna ole hnen Than):

Ta je huliwa 27:35

E ame ha hofuc e, me hom areto, me oleâ ka Khong hnyi hnyimakodra hia: ke e ame susubâ, me hwân he ka han.

Roma 14:6

Haba at ame oûnyihnathoâ bong, e ame oûnyihnathoâ e ka Than: haba at ame han, ame han bi ka Than, anyin a e ame ole ka Khong; ke haba at ame ca han, e ame ca han ka Than, me oleâ ka Khong.

I. Korinito 10:16

Haba utköiöiny ole otin e oleâ, hawa ca e bi hnyi hnötin hna tha hu hnyi dren Keriso? Haba areto otin e susubâ, hawa, ca e bi ate me tha hu hnyi unyin Keriso?

I. Korinito 10:31

Anyin a wale, öbun ka he ka han, me ic, me ânyâ ke ta je ûnyi bi, ânyâ hia thö hnân ogânâ Khong.

I. Korinito 11:24

ke a hia but oleâ, e ame susubâ, me ha, ka habe, Hom dö, an ju, walang unyik hobi köbun: ânyâ thö e hnân he ka ûnykûme könya.

Kolose 3:17

Ke haba ta je ûnyi hia öbun e ânyâ hnyi hofuc me huliwa, me ânyâ hia thö hnyi ien Than Iesu, ke oleâ ka Khong a Kamen deny e.

I. Samuela 9:13

öbu ka o hnyi taun öbu me he ka wâ, ke tiga ca ölö bi ka hnyi dok ae görany ka han: anyin ame ca he tavat ka ban, kʼ ame tiga ca o, anyin a hamen he ka hmö hut; hwaban e, ame hnyi han tavat adre hawâ. Ke olo thʼ öbu walang ang; anyin öbu me he ka wâ hnyi ûen ang.