Mataio 13:52 - Iaai Bible 1901 (New Caledonia)

⁵² Me e ame ha ködrin, ka habe, Anyin a wale, haba tavat sihnalimen hia waleji adre nâ ka hnyi dokhon drany, me helâ me at ae tren uma ame eang ta je ûnyi ae teb ûnyi me ta je ûnyi ae kueny jut ûnyi hnyi tang omjehen.

Mataio 13:52 ပူးပေါင်းရင်းမြစ်များ

Ezera 7:10

Anyin a Ezera ame penapena hnyekon he ka elâm hnanyibu anyi Iehova, me ânyâ, me he ka ûnö hnyi Isaraela je hnanyibu me je hna owisa.

Ezera 7:21

Ke haba inya, Aretaseta than, me oge me hûna ka tavat tuö omjeû hia thithö hnyi ke keihen hoton wagewe, a haba ta je ûnyi hia ame he Ezera at bihut, at a sihnalimen hnanyibu anyin Khongon drany, ka sumâtâ unyibun, me, adre me he ka ie ânyâ,

Ezera 7:6

haba at eling a Ezera ame he but ûheny Babulona; ke e at ae ti khana sihnalimen hnyi hnanyibu anyi Mose, waleji a ham Iehova Khongu Isaraela: ke haba than ame ham hia kâu hnen hna sumâtâ, helâ me hnyamö Iehova a Khongon hon.

Ta je Vejec 11:30

Haba wan at ae wisa me ûöiny möt, Ke haba at ae metâ, me ame ohmehmela ta je hanu.

Ta je Vejec 15:7

Haba li esongodiny at ae metâ, me ame khûkhûâ wâhmakhmeto: Kʼ ame ca hnyi helâe hnyekon at ae monu.

Ta je Vejec 18:4

Helâ me köiö ae dit je hofuc hwan hnyimen at; Ke helâ me wagewe ame di pupuainy metâ.

Khumöng Hwanyi Solomona. 7:13

E so bunen je dudai, Ke ta je wan ûö ae so hnyi homagöuleta, a teb ûnyi ke but ehac, Waleji oge ip hobi köu, oûnykûmik.

Mataio 12:35

Haba at ae so ame hom but ta je ûnyi ae so ûnyi hnyi tang omjehen ae so; ke haba at ae kong ame hom but ta je ûnyi ae kong ûnyi hnyi tang omjehen ae kong.

Mataio 13:51

Hawa, öbun e wâ ûnykûme ta je ûnyi hia e? Haingödrin ka habe, Eke.

Mataio 13:53

A hia but Iesu umo ta je ûhöûcû e, me e ame he but ûheny e.

Mataio 23:34

Wâ bi, inya oge me kunâ köbun ta je perofeta me tavat ae metâ, me hnyat sihnalimen: ke öbun e he ka hlingâ me osatauroâ keihen gadrin, ke öbun e he ka osoâ keihen hnyi umöbun je sunago, me sedʼ Ödrin ûnyi hnyi ke taun ka hnyi ke taun:

Mataio 28:19

Anyin a wale, he thʼ öbun ka bi latök hnyi ta je hnyei hia thithö, me bapataisoi ödra hnyi ien Kamen, me Nokon, me Hanu Kap:

Luka 11:49

Anyin a wale, ame ha hnen metâ anyin Khong, ka habe, Oge me he ka kunâ kodra ta je perofeta me ta je aposetolo; ke adre me he bi ka hlingâ me okongoâ keihen;

Ioane 13:34

Inya oge me ham köbun hnanyibu a teb ûnyi, a öbun e he ka ibetengiököu; oge hia but betenge köbun, e so öbun e be ka helâe wale he ka ibetengiököu öbun.

II. Korinito 6:10

helâke hnyat ae hmak hnyok, kʼ öhmun e sēnyin bala; helâ me theduoc, kʼ öhmun e otrenâ tavat ae se; helâke me ba ta ûnyi, ke hu but ta je ûnyi hia thithö.

Efeso 3:4

ke öbun e ne aû, öbun e he ka wâ anyik metâ hnyi ûnyi ae iyong anyin Keriso;

Efeso 3:8

Ke haba ibetengiö baû eang adre ham könya, wale at ae ûhnyûkong hmonyin hmelen tavat ae ûhnyûkong hnyi wakap hia, me inye he ka khetâ ka Aten ta je hnyei tang omjehen Keriso, ae ca hnân ha bi ûganiny;

Kolose 1:7

helâ minya me hna nʼ öbun hnö Epafera at ame tha bi athnyaba mʼ öhmun a oûnykûmihmu, at ame huliwa hnathu ka Keriso hobi köhmu,

Kolose 3:16

E so e he hofuc hwan Keriso ka laba hmâ hnyi je hnyekubun me metâ hia; ûnöbunköu öbun ju ge ta je salamo, me ta je khumöng, me ta je fehuâ ûnyi hnyi hanu, khumöng dö ka Than me ibetengiö eû hnyi je hnyekubun.

I. Timoteo 3:6

ca at ame ibi hni, wâ e nye began me ame kolu but ka hnyi hnaûhango anyin diabolo.

Tito 1:9

at ame kât hmâ hofuc ae hnathu, helâ me hna nâ, me me khana he ka ûnö hna ûne hnân melen, me ohmehmelâ tavat adre me ivinö.