Mataio 13:48 - Iaai Bible 1901 (New Caledonia)

⁴⁸ ke ame unöngöt dö, me ödrin e lelö e ka hnyi hme; ke adre me ûlalabainy me ûkhöûnâ je wâ ae so ka hnyi je tang, me degec bi ta je wâ ae kong.

Mataio 13:48 ပူးပေါင်းရင်းမြစ်များ

Mataio 13:30

E so ödru me he ka tha kû ke ne o but hnyi ûen menu: ke haba hnyi ûen menu oge me he ka ha ka tavat menu, ka habe, Më ûkhöûnâ thö je zizania, me tha ip me ca, hnân thong degecâ: ke ip dö hwit hnyi anyik om hani.

Mataio 13:47

Wale hmetu ang, haba dokhon drany, me ûcû me ert adre me thong eû hnyi köiö, me ame hnok dö ta je wâ monu hia:

Mataio 13:49

Ame he ka helâe hnyi obiny hmeledrany: ame he ka he but ta je angela me kia luâ tavat ae kong me tavat ae wisa,

Mataio 3:12

e bi hnyi hnyamen anyin ut, ke e ame he ka ânyâwia hwit hnyi hnen hna huje hwit; ke e ame he ka ûkhöunâ anyin hwit ka hnyi omhani, ke e ame he ka thong thatûnyin hwit hnyi meic ame ca mok balua.

Mataio 4:18

Ke e ame vheno hobat köiö Galilaia, ke e ame wâ li liamekeiny, jia Simona ke ien Peteru, me Anederea a keiny, ödru me thong ert eû hnyi köiö; anyin a ödru li at thut.