Mataio 13:46 - Iaai Bible 1901 (New Caledonia)

⁴⁶ ke e ame wâ ju ke penina ae gan hwaban, me e ame mē ûco anyin ta je ûnyi hia hnân bi hwaban e.

Mataio 13:46 ပူးပေါင်းရင်းမြစ်များ

Ta je Vejec 2:4

U je ne elâm e helâ me sileva, Me elâm e helâ me tang omjeû adre ikhâlâ;

Isaia 33:6

Ke ame he ka hu hwakecin ae tethmâ hnyi bongom ta je bong, wale ûhomeli ae gan, me metâ me wâhmakhmeto: haba tang omjehen bi, me ot kö Iehova.

Mataio 13:44

Haba dokhon drany, me ûcû me tang omjeû adre me ikhâlâ hnyi hnyei; waleji ame wâ hnen ke at, me ikhâlâ but; me e ame senyin me he but me ûcoâ anyin ta je ûnyi hia, me ûco utkânâ eling.

Mataio 13:45

Wale hmetu ang, haba dokhon drany me ûcû me at ûco omjeû at ame elâm ta je penina ae so:

Mataio 13:47

Wale hmetu ang, haba dokhon drany, me ûcû me ert adre me thong eû hnyi köiö, me ame hnok dö ta je wâ monu hia:

Ta je huliwa 20:24

Ke oge me ca oûnyihnathoâ anyik möt, me me ûnyi hnathu könya, me inye he ka umo hnok hna ûölogot, me hanymök oge me kap ûnyi ge Than Iesu, wale he ka ohnathoâ ûthumetu ae so hnyi betenge baû anyin Khong.

Galatia 6:14

Ke haba inya, me oge me ca he bala ka hobelöû ke so thibi hnyi satauro anyin Tuhöta Iesu Keriso, kʼ adre me osatauroâ hmeledrany könya a deny e, ke ka inya minya ka hmeledrany.

Efeso 3:8

Ke haba ibetengiö baû eang adre ham könya, wale at ae ûhnyûkong hmonyin hmelen tavat ae ûhnyûkong hnyi wakap hia, me inye he ka khetâ ka Aten ta je hnyei tang omjehen Keriso, ae ca hnân ha bi ûganiny;

Kolose 2:3

at adre ikhâlâ unyin ta je omjeûiny hia metâ me wâ ûnykûme.

Hna Omanenâ 18:12

wale omjeû gol, me sileva, me je veto ae gan hwaban, me je penina, me mano lino ae ûhnyûkong nân, me mano ae udrudrâ hlit, me silek, me mano ae dra; me je uto ae bo so hia, me je kaia hia a nyon elefan, me je kaia uto hia ae gan hwaban, me bras, me fao, me veto oût;

Hna Omanenâ 21:21

Ke haba je homagöule a twelv, me je penina ling a twelv; ûsa khaca penina je homagöule: ke haba getheniny taun, me gol ae so helâ me uselat ae alai.