Mataio 13:44 - Iaai Bible 1901 (New Caledonia)

⁴⁴ Haba dokhon drany, me ûcû me tang omjeû adre me ikhâlâ hnyi hnyei; waleji ame wâ hnen ke at, me ikhâlâ but; me e ame senyin me he but me ûcoâ anyin ta je ûnyi hia, me ûco utkânâ eling.

Mataio 13:44 ပူးပေါင်းရင်းမြစ်များ

Jobu 28:13

E ca khana hwaban e ge tavat; Ke adre me ca wâ e hnyi hnyei iny tavat ae möt.

Ta je Vejec 16:16

Shaiba ge soiny hom metâ hon gol! Eke, e so he ka hu wâhmakhmeto hon he ka hûce sileva.

Ta je Vejec 17:16

Hnân eû hwaban hnyi hnaymen at ae monu he ka ûcû metâ, Ke ba hnyekon bi?

Ta je Vejec 18:1

HABA at ame ka hake laba, me ame elâm bi weny, Kʼ ame hmonyin ge metâ hia ae so.

Ta je Vejec 23:23

Ûco thö hnathu, ke ca ûco degecâ hmetu bi; Eke, metâ, me ûne, me wâ ûnykûme.

Isaia 55:1

E ÖBUN hia tavat ae beic lö, ai öbun ka hnyi je an, ke at ae ba mone; ai öbun, ûco ju, ke an ju; eke, ai öbun ûco ju waina me debai, ke ca ge mone bi, ke ca ge hwaban.

Mataio 13:24

E ame omanenâ hmetu kodra ke ûhöûcû, ka habe, Haba dokhon drany, me ûcû me at ame tā je wan ae so hnyi iny hnyei:

Mataio 13:46

ke e ame wâ ju ke penina ae gan hwaban, me e ame mē ûco anyin ta je ûnyi hia hnân bi hwaban e.

Mataio 13:47

Wale hmetu ang, haba dokhon drany, me ûcû me ert adre me thong eû hnyi köiö, me ame hnok dö ta je wâ monu hia:

Mataio 19:21

Haba Iesu ame ha kâu, ka habe, A ne wem he ka bekhöt, he thö, ûco thö ânyâm ta je ûnyi, me ham ka tavat ae theduoc, ke u me he ka hu tang omjeû hnyi drany: ke aiö u bi, he hotuk.

Mataio 19:27

Haba Peteru ame thu kâu, ka habe, Wâ bi, ohmun e hia but hna degecâ ta je ûnyi hia, me he hotom; ke ohmun e he ka hu ieû?

Mataio 19:29

Ke haba at ame he ka hna but uma, ke liamekeiny, ke haniny, ke kamen, ke hinyen, ke lakon, ke hnyei, can iök, me e ame kap wan haded ûsehiainy, me ame he ka hu minya möt ae ca ba balua.

Mataio 6:21

anyin a haba dok ame mokut hnyin tang omjehem, me ame he ka e bi minya hnyekom.

Luka 14:33

Ke helâe, haba at gabun ame ca hna bi ta je ûnyi hia thithö ae hu gan, me ca khana he ka bi hanen latök.

Ioane 6:35

Me haingö Iesu ködra, ka habe, Inya ang aretoiny möt: haba at ame he ka o könya, me ame ca he hmetu ka mekihnânem, ke haba at ame he ka labageju könya, me ame ca he hmetu ka beic.

Roma 15:4

Anyin a haba ta je ûnyi adre sihnalimen adrem, me adre me sihnalimen hnân nʼ öta, me me hu anyita geju hnen hokhnyok me kaukahwa ûnyi hnyi je hna sihnalimen.

Kolose 2:3

at adre ikhâlâ unyin ta je omjeûiny hia metâ me wâ ûnykûme.

Kolose 3:16

E so e he hofuc hwan Keriso ka laba hmâ hnyi je hnyekubun me metâ hia; ûnöbunköu öbun ju ge ta je salamo, me ta je khumöng, me ta je fehuâ ûnyi hnyi hanu, khumöng dö ka Than me ibetengiö eû hnyi je hnyekubun.

Heberu 10:34

Anyin a öbun e vec betenge ka tavat adre me ca, ke öbun e hokhnyok senyinâ hnödra hna söh anyibun ta je ûnyi, ke khanʼ öbun a gʼ ame hu gabun tang omjeû ae ûnyi hnathu, kʼ ame tethmâ bi.

Hna Omanenâ 3:18

anyin a wale oge me ha köu he ka ûco gak gol adre degec tiren hnyi meic, me u me tren ta ûnyi; me je ûkhaû ae hau, mʼ u me he ka khavâ, me me ca manen bi hmehma wale he thu a u: me bubunyin ecmak hnân botro kâu li emâkâm, me u me bwela but.