Mataio 13:43 - Iaai Bible 1901 (New Caledonia)

⁴³ Ke haba tavat ae wisa, me adre me he ka hadröngöc helâ me seûno hnyi dökhu dokhon Kamödra. Haba at ae hu li hnyikonyen, long ju.

Mataio 13:43 ပူးပေါင်းရင်းမြစ်များ

Esodo 34:35

ke a wâ but lakon Isaraela hnyimakö Mose, a ga hadröngöc dö unen hnyimakö Mose: me Mose ame tube hmetu hnyimakan ke ne o but e ame dit me ûhnenamö me.

Daniela 12:3

Ke haba tavat ae metâ, me adre me he ka umumelam helâ me melaminy drany; ke haba tavat adre me wia tavat ae se hia hnyi hwakecin ae wisa, me ödra helâ me ta je okhû nyiele balua.

Mataio 11:15

Haba at ae hu hnyikonyen ka long, long ju e.

Mataio 25:34

Haba Than ame he ka ha kodra hnyi ke keihen a metân, ka habe, Ai öbun, öbun hia tavat a ohnahicâ hnen Kamök, hu hwajekhöûbun ju dökhu adre penapena hobi köbun hwân hnyi hna bi taben hmeledrany:

Mataio 25:36

oge me he thu, mʼ öbun e okhaûo nya: oge me mok, mʼ öbun e senö nya: ke inya hnyin uma ceat, mʼ öbun e o thö könya.

Mataio 26:29

Ke inya oge me ha köbun, ka habe, oge me ca he hmetu ka hnyi ijem wan vine eang, ke ne o but hnyi bong oge me he ka tha ijem mʼ öbun hnyi dökhu dokhon Kamök.

Mareko 4:23

Haba at ae hu li hnyikonyen, long ju.

Luka 12:32

Hnahat mamoe ae wakhalet lö, ca ot bi, anyin ae weny Kamöbun he ka ham köbun dokhu.

Luka 22:29

me oge me ham bi köbun dokhu, helâ me Kamök ame ham könya,

I. Korinito 15:58

Anyin a wale, hnyat a oûnykûmik lö, tethmâ ju öbun, ca bwebwet, ke hwege bala thö hnyi huliwa anyin Than, anyin ae khanʼ öbun a gʼ ame ca ûnyi baû anyibun huliwa ka Than.

Iakobo 2:5

Hnyat me lakeiny a oûnykûmik lö, löng ju öbun; hawa, ame ca ûca hnen Khong watheduoc eang hmeledrany he ka tren omjeû hnyi labageju, mʼ adre me he ka hu dokhu waleji e ame ha bânâ ka tavat adre me hnyok kâu.