Mataio 13:38 - Iaai Bible 1901 (New Caledonia)

³⁸ ke haba utkânâ, me wale hmeledrany; ke haba wan ae so, me wale lakon dokhu; ke haba zizania, me wale lakon at ae kong;

Mataio 13:38 ပူးပေါင်းရင်းမြစ်များ

Genese 3:15

ke oge me he ka oiwahnaihmiönyi u me momo, me mâtrânâm me mâtrâniny momo: e ame he ka kot bâm, ke u me he ka kot ohmâiny can.

Salamo 22:30

Ame be ke mâtrân ka bi athnyabainy; Kʼ adre me he ka ha dö a biliny ûnyi ge Than.

Isaia 53:10

Ke so bi e ûcû kö Iehova he ka thu hwetö e; e ame hia but ohlöuhlöuâ e: ke u ka he ka hudo e hnân hudiny hulo, me e ame he ka wâ je mâtrân, e ame he ka osehia bongon je bong, ke haba we Iehova ame he ka sot unyin.

Hosea 2:23

Ke oge me he ka tâ e hobi könya bi hnyi kânâ; ke oge me he ka betenge gan waleji adre ca betenge gan; ke oge me he ka ha kodra a ca lakeik, ka habe, Lakeik u; ke adre me he ka ha, ka habe, Khonguk.

Mataio 13:19

E ka long ut ke at hofucin dökhu, ke ame ca wâ ûnykûme bi, me ame o but at ae kong, me hûgûnâ ûnyi adre tā eû hnyi hnyekon. Wale thibi e hna tā hnyi baten gethen.

Mataio 24:14

Ke adre me he ka khetâ ûthumetuiny dökhu ang hnyi hmeledrany hia hnân ohnatho ka ta je hnyei; me ame he ka o but obiny.

Mataio 5:37

Ke so e helâng ifucibun, ka habe, E, e; e ba, e ba: anyin a ûnyi hnyi monu he ka bi hanen hon e.

Mataio 8:12

ke haba lakon dökhu, me adre me he ka obʼ ödra ka hnyi menekholom hnyou ai: kʼ adre me he ka tenge sesebila eling me ûgiö ga nyudra.

Luka 24:47

me he ka khetâ, hnyi ta je hnyei hia hwân hnyi Jerusalema, ietra, mo he ka thang degecâ ta je hulö ûnyi ge ien.

Ioane 12:24

E hnathu, e hnathu, inya oge me ha köbun, A ne kolu ka hnyi kânâ ke wan hwit, ke ame ca bobot bi, ame he ka hake mokut; ke a ne bobot, ame he ka wa se hia.

Ioane 8:44

Ûnyi ge kamöbun öbun, wale diabolo, ke öbun e behe ka ânyâ weny ae kong anyin kamöbun. E at ûhlingö hwân hnyi can, kʼ ame ca tethmâ hnyi hnathu, anyin ae ba hnathu gan. E ka he ka ha thoi, me ka ûnyi gan, anyin a e at thoi, ke kamen thoi.

Ta je huliwa 13:10

me ha, ka habe, At ae unöngötö ge je thoi hia, me monu, u nokon diabolo, ke iwahnaihmiony me hwakecin hia ae wisa, hawa, u me ca menâ he ka ohwalö je hwakecin hia ae wisa anyin Than?

Roma 10:18

Ke inya oge me ha, ka habe, Adre me ca löng? Eke, e hnathu, Ame he but ifucidra ka hnyi hmeledrany hia, Ke hodra ta je hofuc ka hnyi je can hmeledrany.

Roma 16:26

ke manen dut walang ang, ke adre hia but omanenâ, ûnyi hnyi hna sihnalimen hnen ta je perofeta, ke hoton hna hûna hnen Khong a nyiele balua ka ta je hnyei hia, madre me he ka long hoton labageju;

Roma 8:17

ke a ne lakon, me ame he ka je mâtrân bi; wale je mâtrâniny Khong, ke tha je mâtrân me Keriso: ate ne tha vec më, mate me be ka tha hmanenang mē.

Kolose 1:6

wale a o köbun; helâ minya ka hmeledrany hia thithö, kʼ ame wa wan me kû tot, helâe minya unyibun, hwân hnyi bong öbun e long me wâhmakhmeto ibetengiö baû anyin Khong hnyi hnathu;

Iakobo 1:18

E ame hnöku öta ge hwan hofuc ae hnathu hoton weny, mʼ ate me he ka helâke je wan a bân ge ta je ûnyi e ame op.

Iakobo 2:5

Hnyat me lakeiny a oûnykûmik lö, löng ju öbun; hawa, ame ca ûca hnen Khong watheduoc eang hmeledrany he ka tren omjeû hnyi labageju, mʼ adre me he ka hu dokhu waleji e ame ha bânâ ka tavat adre me hnyok kâu.

I. Peteru 1:23

anyin adre hnöku öbun hmetu ca ûnyi bi hnyi wan ame he ka bobot, ke so bi ge wan ame ca be ka bobot hnen hofuc hwan Khong ae möt me tethmâ nyiele balua.

I. Ioane 3:2

Hnyat a oûnykûmik lö, öta je lakon Khong walang ang, ke tiga ca manen bi bonguta nyiele. Ke e khanʼ öta, ka habe, e ka manen dut, me ate me he ka helâ më; anyin ate me he ka wâ cicöâ e.

Hna Omanenâ 14:6

Ke oge me wâ ke angela minya ame gâ ethö hnyi wanben drany, ke unyin e ûthumetu ae so ame ca ba balua he ka khetâ ka tavat adre me laba hnyi hmeledrany, ke ta je tribu, ke ta je hwen hnyei, ke tavat;