Mataio 13:25 - Iaai Bible 1901 (New Caledonia)

²⁵ ke ame tiga mokut tavat, me ame he but iwahnaihmiöny mē, me tā takoû hwit hnen zizania, me he thö.

Mataio 13:25 ပူးပေါင်းရင်းမြစ်များ

I. Je Than 3:20

Ke e ame todrö wanbenset, me hom nökuk da gak, e ka tiga mokut bi nya athnyabaem me ip e hnyi ûlainy, ke e ame ip bi nokon a mokcu hnyi ûlaik.

Mataio 13:24

E ame omanenâ hmetu kodra ke ûhöûcû, ka habe, Haba dokhon drany, me ûcû me at ame tā je wan ae so hnyi iny hnyei:

Mataio 13:26

Ke ame kû thö bâtân me wa, me ame manen minya but zizania.

Mataio 13:27

Me ame o but lathnyabainy at tren uma, me ha kâu, ka habe, Than lö, hawa, u je ca tā ta je wan ae so hnyi em hnyei? ke ûnyi ua bi zizania?

Mataio 13:29

Ke haingen, ka habe, Ohe; wâ öbun nye tha oc dö hwit me je zizania.

Mataio 13:30

E so ödru me he ka tha kû ke ne o but hnyi ûen menu: ke haba hnyi ûen menu oge me he ka ha ka tavat menu, ka habe, Më ûkhöûnâ thö je zizania, me tha ip me ca, hnân thong degecâ: ke ip dö hwit hnyi anyik om hani.

Mataio 13:39

ke haba iwahnaihmiony a at ame tā, me wale diabolo: ke haba menu, me wale obiny hmeledrany; ke haba tavat menu, me wale ta je angela.

Mataio 25:5

E tiga bec at a tep faipoipo, me ödrin hia ödrin e ta mokut me mokut.

Galatia 2:4

ke wale thibi e can je liamekeiny thoi ödrin e odilâ duöngâ, ödrin eʼ dit duöng he ka tuö hna hnʼ ota, waleji ate me hu ge Keriso Iesu, mʼ ödrin e he ka thalu öta:

Heberu 12:15

ke wâ wia ju, wâ e nye hu ke at ame ca o ka hnyi ibetengiö baû anyin Khong; wâ e nye kû thö iwân ae hiny he ka oveci Öbun, me ame he ka kong ut tavat ae se hia hnen e;

I. Peteru 5:8

Metâ but öbun, ke hmâkâ thö: haba iwahnaihmiony möbun, wale diabolo ame ngenu helâ me liona ame kuku, kʼ ame heleû haniny:

II. Peteru 2:1

KE ame o thö minya ta je perofeta thoi ehac unyin tavat, ke helâe ame he ka hu tavat ûne thoi unyibun, tavat adre me he ka okûâ duöngâ ta je imouköu ae hnaûhango, me he ka ivinoâ Than at ame ûcû ödra, adre me okûâ kodra bi hnaûhango ae logot.

Hna Omanenâ 12:9

Me adre me obâ but drakona ae gan, wale on adrem, adre hwenyi ien Diabolo, me Satana, at ame omonoâ hmeledrany hia thithö; adre obâ but ka hnyi hmeledrany, ke adre tha obâ e me anyin ta je angela.

Hna Omanenâ 13:14

Ke e ame iyawâ tavat adre me labâ hmeledrany ge ta je haten adre hna kâu he ka ânyâ hnyi hnyimakan meno; ame ha ka tavat hnyi hmeledrany, a adre me he ka theatâ me me we meno, waleji ae hu aat ge hele vat, kʼ ame möt.

Hna Omanenâ 2:20

Ke so bi e hu but gak ûnyi eang gam, a u je hna ka momo jia Jezebela, at ame ha ka habe, e perofeta momo; ke e ame ûne me cubec je atök he ka bi ûnyi monu me hnyi an je hna hudo ka ta je hnatheat.