Mataio 13:19 - Iaai Bible 1901 (New Caledonia)

¹⁹ E ka long ut ke at hofucin dökhu, ke ame ca wâ ûnykûme bi, me ame o but at ae kong, me hûgûnâ ûnyi adre tā eû hnyi hnyekon. Wale thibi e hna tā hnyi baten gethen.

Mataio 13:19 ပူးပေါင်းရင်းမြစ်များ

Ta je Vejec 1:7

Haba hwakecin he ka ot kö Iehova, me wale hwân he ka wâhmakhmeto; Haba tavat ae monu me adre me hmiôdra meta me hna ûne.

Ta je Vejec 17:16

Hnân eû hwaban hnyi hnaymen at ae monu he ka ûcû metâ, Ke ba hnyekon bi?

Ezekiela 31:18

U hmanenang ke gan helâ me ia unyin je ûöiny Edena? ke so bi adre me he ka tha hum u me ta je ûöiny Edena kâû ka hnyi kânâ: ke u me he ka mokut hnyi wanben tavat adre me ca peritomonâ, tha u me tavat adre me hlingâ ge hele vat. Wale Farao me anyin tavat hia ae se, haingen Than Iehova.

Mataio 12:26

ke a ne Satana ame obâ Satana me ame imouköu but; ke ame he ka kâmâu ka tethmâ dokhon dökhu?

Mataio 13:20

Ke haba hna tā hnyi dok ae hudei, wale at ame long hofuc, me ie kap senyinâ;

Mataio 13:38

ke haba utkânâ, me wale hmeledrany; ke haba wan ae so, me wale lakon dokhu; ke haba zizania, me wale lakon at ae kong;

Mataio 4:23

Ke Iesu ame vheno Galilaia hia thithö, ame ûne hnyin umödrin je sunago, me khetâ ûthumetu a soiny dökhu, me ohia ta je mok hia thithö, me ta je sēnyin hia hnyi hnyei.

Mataio 5:37

Ke so e helâng ifucibun, ka habe, E, e; e ba, e ba: anyin a ûnyi hnyi monu he ka bi hanen hon e.

Mareko 4:15

Haba je hna jijingâ hnyi baten gethen, me wale adre me tā hofuc hnyin; ke adre me long ut me ame ie o but Satana me hom dö hofuc adre me tā unyidra.

Luka 10:9

ke omelö tavat eling ae hu mok gadra, ke ha kodra, ka habe, E hakekeny jut köbun dokhu dokhon Khong.

Luka 9:2

Me e ame kunʼ ödrin he ka khetâ dokhu dokhon Khong, me he ka omelö tavat ae hu mok gadra.

Ioane 18:38

Pilato ame ha kâu, ka habe, Ieû hnathu? A hia but ha e, e ame dit hmetu but ka at Juda me ha ködra, ka habe, Oge me ca wâ thö ke monu gan.

Ioane 8:43

Ieû gabun öbun e ca wâ ûnykûme hok hofuc? anyin a e ca khanʼ öbun he ka long hok hofuc.

Ta je huliwa 17:32

Adre me long möt hmetu ûnyi hnyi hna mok, me haba keihen adre me hiâ; ke haingen keihen, ka habe, Ohmun e he ka ling u hmetu ge ûnyi e hnyi ke ûen.

Ta je huliwa 18:15

ke adre ne ivinoâ hofuc, me je ien, me anyibun hnanyibu, me hamöbun bi; e ca wek bi nya he ka owisa ta je ûnyi e.

Ta je huliwa 20:25

Ke wâ bi, walang ang e khanö nya a haba öbun hia, a hnyat oge me labö senâ he ka khetâ ûthumetu, me öbun e ca he hmetu ka wâ hnyimakök.

Ta je huliwa 28:23

Ke adre me thu bong hobi kâu, me ödrin se hia adre me o kâu hnyi hnen hna laba; ke e ame khetâ hofuc, me ohnathoâ ködra dokhu dokhon Khong, me ûjongi ödra ga Iesu, ûnyi hnyi hnanyibu anyi Mose me ta je perofeta, hwân hnyi hnyomakatu ke ne o but sahac.

Roma 1:28

Ke ca wedra he ka wâhmakhmetoâ Khong, me haba Khong ame hnʼ ödra but he ka hwali hnyi je hnyekudra, mʼ adre me he ka ânyâ ta je ûnyi ae ca ûcû;

Roma 14:17

anyin a haba dokhon Khong, me ca he ka hnyi han me ic, ke so bi hwakecin ae wisa, me hnahic, me senyin hnyi Hanu Kap.

Roma 2:8

ke hmonyin me wathethot ka tavat adre me hûkötö, me tavat adre me ca long bi hnathu, ke adre me long hoton hwakecin ae ca wisa,

Efeso 3:8

Ke haba ibetengiö baû eang adre ham könya, wale at ae ûhnyûkong hmonyin hmelen tavat ae ûhnyûkong hnyi wakap hia, me inye he ka khetâ ka Aten ta je hnyei tang omjehen Keriso, ae ca hnân ha bi ûganiny;

II. Thesalonika. 2:12

mʼ adre me he ka bi hwaban kodra hia thithö, tavat adre me ca hnyi kap hnathu, ke adre me senyin bala bi ka hnyi hwakecin ae ca wisa.

Heberu 2:1

ANYIN a wale, e ûcû köta he ka oûnyihnatho hmonyinâ ta je ûnyi waleji adre löng, wâ e nye haûhaû but gata.

I. Ioane 3:12

ca helâ me Kaina, a ûnyi ge at ae kong, kʼ ame hlingâ keiny. Ke can ieû e ame hlingâ e? Can ae kong anyin bi ta je huliwa, ke wisa bi ta je huliwa anyin keiny.

I. Ioane 5:18

E khanʼ öta bi a gʼ ame ca ânyâ hulo hnen at adre hnokoâ ûnyi ge Khong; ke ame tuö e hnen at eji a hnokoâ ûnyi ge Khong, ke ame ca kâlâ e hnen at ae kong.

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.